Dated Aizawl, the 7th November, 2017: Vawiin 7th November 2017(Thawhleh) dar 12:00 khan MZP Executive meeting neih a ni a, Meeting hi Tv. L. Ramdinliana Renthlei President in a kaihruai a ni. Meeting-ah hian MZP Secretary ruat chungchang te leh MZP Inter High School Quiz 2017, ILP Check leh MPSC member chungchang te rel a ni.

Meeting chuan MZP Inter High School Quiz 2017 chu kum danga neih thin a lo nih tawh angin kumin 2017 hun remchang hmasa berah neih nise tha ati a. Mizoram chhunga High School zawng zawng chu lo tel turin MZP General Heqadquarters chuan a sawm a ni. Meeting chuan kum 2017 chhunga MZP chhungkua degree neithar, College S.u/Hnampual hruaitute chawimawina leh Mizo rawlthar Zofate minti hmingtha tu Under 17 World Cup player Lalengmawia Vaivakawn leh MZP President hlui Minister of State Pu KS. Thanga te chu lawmpuina leh chawimawina hun hman nise a ti bawk.

Mizoramah dan lo a lo lut leh hnamdang anhuangtau sawt hle chu MZP executive meeting chuan tha lo atiin, Hnamdang dan lo a rawnlut leh phalna tello a lo lut Inner Line permit(ILP) nei mumal lo chu pawi a tiin kan hnam leh ram tan thil tha lo a ni thei dawn a ni tih hria in meeting chuan Mizoram pumah a rualin MZP dinna hmunah ILP check runpui neih nise tiin arel bawk.

Meeting chuan Mizoram Public Service Commission (MPSC)-ah Chairman chiah chiah kan nei chu pawi a ti hle a, MPSC hnuaia hnalakah thil felfai lo thleng palh thei a ni a,hnalak felfai zawka a kal theih nan MPSC member thar ruat thuai turin MZP chuan thuneitute a ngen a a ni.

Meeting chuan Mizoram Judicial Service (Civil Judge) entry grade post 16 hnawhkhahna tura All India Chakma Students' Union President Dilip Kanti Chakma exam thei tura dilna a thehlut a. MPSC in a phut anga mahni ngeiin admit card lam tur tih chu a tih theih loh avangin a admit card lam tura a mi tirh chu MPSC in an lo pe duh lova, a exam ve thei ta lo a ni. Dilip Kanti Chakma lungawi lo hian MPSC chu court ah a khing a. A thil tih dan a dikloh avangin Justice Michael Zothankhuma'n a hnawl sak a ni.

AICSU President Dilip Kanti Chakma MPSC in a phut anga admit card mahni ngeiin la tura a tih la lova exam tum a nihna leh court ah meuh pawh signature lem hmanga a zualko ngam hi dan zahlohna leh bawhchhiatna lian taka MZP chuan a ngai a. Mizorama Judicial Service rawn nih tumin hetiang chin thalo tak leh dan kalh hmanga bul a rawn tan hi MZP chuan kan duhlo takzet a ni.

Hetianga dan zahloten roreltu nihna dinhmun chelh tuma kan ram ngeia min rawn luhchhuah an tum hi danin a phut anga a chungthu ngaihtuah a nih theihnan theihtawpin hma kan la dawn a ni.

Vawiina MZP meeting chuan kum 2017-2018 chhung atan appointed secretary chanvo hrang hrang aruat a.
1. Jacob Lalmuanpuia : Secretray i/c Information
2. PC. Lalrinawma : Secretray i/c Higher Education
3. Rothanliana : Secretray i/c Publicity
4. Lalruatfela : Secretray i/c Organisation
5. Sanghmingthana : Secretray i/c Sports
6. Ricky Lalchhandama : Secretray i/c Establishment
7. C. Vanlalawma : Secretray i/c School Education
8. Nangsawmthanga : Secretray i/c Social & Culture
9. PC. Lalruatsanga : Secretray i/c Property & Library
10. Lalvansanga Pautu : Editor MZP chanchin Bu

(LALNUNMAWIA PAUTU)
General Secretary