Dated Aizawl, the 15th December, 2017: Vawiin 15th. December, 2017 Hian MZP General Headquarters chuan MZP Pisapui kharna hun a hmang a, he hun hi B. Vanlaltana; Vice President- in a kaihruaia, Lalnunmawia Pautu; General Secretary chuan 2017 term chhunga hma lakna Report a pe bawk. Tin, he hunah hian L. Ramdinliana Renthlei; President, MZP chuan thu sawiin MZP Calendar 2018 a tlangzarh nghal bawk a ni.

He huna thusawitu L.Ramdinliana Renthlei MZP President chuan kum thar lama pawl hmalakna tur hrang hrang a sawi a, "MZP Rorelna sang MZP Assembly 2017 in a lo rel tawh angin Bangladesh atanga Mizoram chhunga dan lo a foreigner thawn haw leh dapchhuah kawngah nasa lehzuala hmalak kan tum dawn a, Bangladesh atangin Chakma foreinger thahnem tak an lo lut a, Mizo zirlaite chanvo min chuhpui thin hi na kan ti a, Chakma foreigner dapchhuah kawngah kum thar lamah chuan nasa lehzuala hmalak kan tum dawn a ni. Tin, Kan Pi leh puten an thlah kal zel turte tana lu chhum ban chhum huama chenna atana an lo sah zauh tawh leh an lo enkawl tawhte tun dinhmunah mi ram ang hiala ngaih a lo ni ta leh, lo pilbo ta hret hret hi a pawi hle a, Assam leh Mizoram ramri chungchanga thangtharte leh Zoram mipuite kaihharh leh thudik hriattir a, chawhnuna a awm leh theih nan hmalak kan tum dawn bawk a ni."a ti a.

L.Ramdinliana Rentlei chuan, "MZP chu Zirlai pawl kan nih angin Mizoram zirna in hma a sawn theih nan theihtawp kum thar lamah chuan kan chhuah dawn a ni. Zirna In, a bikin Thingtlang lama sorkar enkawl school te hian zirtirtu an indaih lo hle a, Zirna In ten zirtirtu an indaihlohna chhan ber ni a kan hriat chu zirtirtu an tlem vang ni lovin, zirtirtu awmsa semrual loh vang niin kan hria a. Zirtirtu Mizoram pumah khairual zawka kan neih theih nan hmalak kan tum dawn a ni."a ti bawk.

MZP President chuan “MZP Pisa chu khar ni mahse Zirlai leh Ram leh Hnam tan chuan engtik lai pawhin a hawn theih reng a ni”. ati a, Zirlaite chu Christmas leh kumthar hlim taka hmang turin a chah a, chutih rualin. A bik takin Pawl sawm (10) leh Pawl sawmpahnih (12) Zirlaite chu kum thar maia Board Exam mai tur an nih a vangin Christmast leh kum thar vuak veta inthlahdah lova theihtawp chhuaha tang sauh sauh turin”. A chah bawk a ni. MZP office Kum 2018 January Ni 16 a hawn leh tur a ni.

(ROTHANLIANA)
Secretary i/c Publicity