Dated Aizawl, the 6th March, 2018: MZP Executive meetingin a lo rel tawh angin ni 27th February 2018 khan Bairabi Zophai hmuna Pi Lalrothangi W/o Pu Ch.Chhunga(L) Ex-Chief Minister nupuiin hmun min pekah ZOFATE CHAWLHBUK sak a ni a. Zofate Chawlhbuk sak hnatlangah hian Mizoram hmun hrang hrang atangin mi 100 chuang kan thawk chhuak a ni. Zofate Chawlhbuk sakna tur ah hian a hma in a chhinchhiahna banner leh thutthleng sei dah a ni a, zingkara hnatlang thawkchhuak hmasa te an va kal hian banner leh thutthleng chu Assam Police lamin lo la in anmahni Motor ah an lo hlang vek a, hnatlang tura kal hmasa MZP hruaitute chuan Assam Police Motor atanga hlang thla in an laksak leh vek a Assam police lam hian engmah an sawi ngam lo a ni. Zofate Chawlhbuk sak hnatlang chu neih chhunzawm nghal a ni a, tlai Dar 4:30 ah Zofate Chawllhbuk chu kan sa zo ta a ni. Zofate Chawlhbuk hi MZP Sub Headquarter Bairabi hruaituten vengin an awm chilh nghal a, zan dar 8:30 vel thleng vengin intifai in an haw san a, intifaia an haw zawk chhung dar 9:15 - 10:00 inkarah Assam Police leh Assam Forest Department ten JCB hmangin a ruka thiatin bungrua zawng zawng nen an lo ru bo ta vek a ni. Hemi zan vek hian MZP Bairabi Sub-Headquarters hmingin Bairabi Police Station-ah FIR thehluh nghal a ni a, ni 28th February 2018 khan MZP Sub-Headquarters Bairabi hruaitute chuan Zofate Chawlhbuk bungrua te zawngin Gurmura lama an kal a, Zofate Chawlhbuk bungrua chu Gurmura Forest Department office kawtah an va hmu a, Assam police lamin an ven avangin an la ngam bik ta lo a ni. MZP in FIR kan thehluh tun thlenga Mizoram police in an bawhzui miah lo hi mak kan ti a, MZP chuan kan hrethiam lo hle a ni.
MZP chuan Zofate Chawlhbuk thiah leh a ni chu pawi a tiin a la na hle a, a ruk a rala thiah a ni chu a lawm lo hle a ni. MZP Executive emergency meeting ni 28th March 2018-a neih chuan Zofate chawlhbuk hi sak that leh ngei nise a ti a, Zofate Chawlhbuk hi ni 8th March 2018(Ningani) ah sak that leh tura ruahman a ni.
Tin, MZP in Zofate Chawlhbuk kan sakna hmunah tak hian March ni 2, 2018-ah Assam-in Police duty post an lo siam a, Mizoram chhungah hna rawn thawka police duty post an rawn siam hi MZP chuan na a ti hle a. Assam Sorkarin hna an rawn thawhna hi Mizoram chhung, Mizoram chief minister hmasa ber Pu Ch.Chhunga(L) ram (leilet) a ni a, Assam-in he'ng lai vel hi Mizoram a chuh tlat avanga ram hauh nana Pu Ch Chhunga(L) nupui Pi Lalrothangi'n MZP hnena a pek ram a ni. Mizoram Chief Minister hmasa ber te chhungkua leh MZP chuan he'ng lai ram hi Mizoram chhung kan ti a, Mizoram sorkarah leiman chhiah chi hrang hrang pawh pek vek thin a ni. Mizoram Sorkar hian Mizoram chhungah a chhiar ve em tih hi MZP chuan Mizoram sorkar kan zawt nawn leh a ni. A ram chhungah a chhiar ve a nih chuan pawi tia na ti ve turin MZP chuan Mizoram sorkar a beisei a ni.
Mizoram chhungah Assam-in hna an rawn thawk hi Mizo mipui tawh phawt chuan na an tih MZP chuan kan ring a, chutih laia Mizoram sorkar a ngawi reng mai leh Zofate Chawlhbuk Assam-in an thiah thu-ah te pawh FIR thehluh a ni a bawhzuina awm lo leh engmah hre lo ang maia Mizoram sorkar a awm hi MZP chuan pawi a tiin a dem tak zet a ni. Ramri buaina vei tur leh ram hauhva hma la ve turin MZP chuan sorkar a ngen a, Bairabi dai vel leh hmun danga harsatna awmte hi ngaihtuaha chinfel tum turin a ngen bawk.
Tuna thil duhawm lo thlenna hmun vela hian Assam sorkar hian school an din a, police outpost an siam a, Tuikuk raltlan te awmna tur In an sak sak leh Assam lamin huan an rawn siamte leh Vairengte leh Dholai inkar Mizoram chhunga field an lo laih te leh Vairengte Auro Rickshaw stand bul Mizoram chhunga chenna in an lo sa te hi ngaimawha chhuahtir turin MZP chuan Mizoram sorkar a phut nawn leh a, thuneitute'n an mutthluksan reng a nih chuan Mizo thalaite'n kan tih tur kan ti zel dawn a ni. Mizoram min chuhpui tu Assam lama theihtawp chhuahtute hi an zirlai pawlte emaw an tlawmngai pawlte emaw ni lovin sorkar a ni a, chuta an kut leh ke ber chu police an ni a, a rualawhthlak hle a ni tih hi Mizoram sorkar hian hria se MZP chuan a duh a ni.
MZP chuan Zofate Chawlhbuk kan sakna a theihtawp min chhuahpui a, tha leh zung tamtak sengtu Bairabi khawtlang chunga thinlung takin lawmthu a sawi nawn leh a, Zofate Chawlhbuk kan sak lehna turah pawh theihtawp min chhuahpui leh turin Bairabi khawtlang hruaitute te leh khawtlang mipuite kan ngen nawn leh a ni. Zofate Chawlhbuk din tawhna, Assam sorkarin thiata police duty post an dinnaah hian MZP chuan Zofate Chawlhbuk chu ni 8th March 2018(Ningani) hian din leh ngei a tum a, he ram hi Mizote ta a ni tih kan puang nawn leh a ni.
MZP chuan Zofate Chawlhbuk thiah leh a ni chu pawi a tiin a la na hle a, a ruk a rala thiah a ni chu a lawm lo hle a ni. MZP Executive emergency meeting ni 28th March 2018-a neih chuan Zofate chawlhbuk hi sak that leh ngei nise a ti a, Zofate Chawlhbuk hi ni 8th March 2018(Ningani) ah sak that leh tura ruahman a ni.
Tin, MZP in Zofate Chawlhbuk kan sakna hmunah tak hian March ni 2, 2018-ah Assam-in Police duty post an lo siam a, Mizoram chhungah hna rawn thawka police duty post an rawn siam hi MZP chuan na a ti hle a. Assam Sorkarin hna an rawn thawhna hi Mizoram chhung, Mizoram chief minister hmasa ber Pu Ch.Chhunga(L) ram (leilet) a ni a, Assam-in he'ng lai vel hi Mizoram a chuh tlat avanga ram hauh nana Pu Ch Chhunga(L) nupui Pi Lalrothangi'n MZP hnena a pek ram a ni. Mizoram Chief Minister hmasa ber te chhungkua leh MZP chuan he'ng lai ram hi Mizoram chhung kan ti a, Mizoram sorkarah leiman chhiah chi hrang hrang pawh pek vek thin a ni. Mizoram Sorkar hian Mizoram chhungah a chhiar ve em tih hi MZP chuan Mizoram sorkar kan zawt nawn leh a ni. A ram chhungah a chhiar ve a nih chuan pawi tia na ti ve turin MZP chuan Mizoram sorkar a beisei a ni.
Mizoram chhungah Assam-in hna an rawn thawk hi Mizo mipui tawh phawt chuan na an tih MZP chuan kan ring a, chutih laia Mizoram sorkar a ngawi reng mai leh Zofate Chawlhbuk Assam-in an thiah thu-ah te pawh FIR thehluh a ni a bawhzuina awm lo leh engmah hre lo ang maia Mizoram sorkar a awm hi MZP chuan pawi a tiin a dem tak zet a ni. Ramri buaina vei tur leh ram hauhva hma la ve turin MZP chuan sorkar a ngen a, Bairabi dai vel leh hmun danga harsatna awmte hi ngaihtuaha chinfel tum turin a ngen bawk.
Tuna thil duhawm lo thlenna hmun vela hian Assam sorkar hian school an din a, police outpost an siam a, Tuikuk raltlan te awmna tur In an sak sak leh Assam lamin huan an rawn siamte leh Vairengte leh Dholai inkar Mizoram chhunga field an lo laih te leh Vairengte Auro Rickshaw stand bul Mizoram chhunga chenna in an lo sa te hi ngaimawha chhuahtir turin MZP chuan Mizoram sorkar a phut nawn leh a, thuneitute'n an mutthluksan reng a nih chuan Mizo thalaite'n kan tih tur kan ti zel dawn a ni. Mizoram min chuhpui tu Assam lama theihtawp chhuahtute hi an zirlai pawlte emaw an tlawmngai pawlte emaw ni lovin sorkar a ni a, chuta an kut leh ke ber chu police an ni a, a rualawhthlak hle a ni tih hi Mizoram sorkar hian hria se MZP chuan a duh a ni.
MZP chuan Zofate Chawlhbuk kan sakna a theihtawp min chhuahpui a, tha leh zung tamtak sengtu Bairabi khawtlang chunga thinlung takin lawmthu a sawi nawn leh a, Zofate Chawlhbuk kan sak lehna turah pawh theihtawp min chhuahpui leh turin Bairabi khawtlang hruaitute te leh khawtlang mipuite kan ngen nawn leh a ni. Zofate Chawlhbuk din tawhna, Assam sorkarin thiata police duty post an dinnaah hian MZP chuan Zofate Chawlhbuk chu ni 8th March 2018(Ningani) hian din leh ngei a tum a, he ram hi Mizote ta a ni tih kan puang nawn leh a ni.
Issued by :
Mizo Zirlai Pawl(MZP)
General Headquarters, Aizawl.
Mizo Zirlai Pawl(MZP)
General Headquarters, Aizawl.
0 Comments