Latest Post

RAMRI CHUNGCHANG CORE COMMITTEE ATANGIN MZP INHNUKDAWK

PRESS RELEASE


Vawiin ni 3 Thitinthla 2018 khan MZP Conference hall, MZP Pisapuiah MZP executive meeting neih a ni a, meeting-ah hian MZP hmalakna hrang hrang ngaihthlak niin, Zofate Chawlhbuk sak chungchuang, National Reginter of Citizens(NRC) chungchang te leh MZP Assembly neih chungchangte rel a ni.
Meeting hi Tv L. Ramdinliana Renthlei, MZP President chuan a kaihruai.

Meeting chuan Ramri chungchanga Mizoram Chief Minister kaihruaina hnuaiah Mizoram leh Assam ramri ngaihtuahtu tur committee sang Core Committee chu ni 21 May 2018 khan din a ni a, he Committee-ah hian MZP pawh telh a ni. Core Committee hian July 2018 ralhmaa Chief Minister hnenah report thehluh tur a ni a, Core Committe hi vawi-2 meeting tawh a ni a, hmalakna hrang hrang neih a ni a, mahse he hma lakna te hian awmzia a nei theih loh avangin leh hun tiam chhunga Chief Minister hnenah repoet a pek theih loh avangin MZP Executive Committee meeting chuan Assam leh Mizoram ramri chungchang committee sang Core Committee atang hian inhnukdawk tha a ti a, Assam-Mizoram boundary committee sang Core Committee hi meting chuan rintlakah a ngaih loh avangin leh huntiam chhunga report a pek theih loh avangin MZP chuan telna tlakah a ngai lova Core Committee atang hian MZP chu a inhnukdawk ta a ni.

MZP chuan Mizoram-Assam ramri chungchangah hian nasa lehzuala hmalak chhunzawm a tum a.
Zofate Chawlhbuk sak chungchungah MZP chu a dinna ngaiah a la ding reng a, hun remchang hmasa berah Bairabi Zophai-ah Zofate Chawlhbuk chu sak leh turin MZP Executive meeting chuan a rel a ni.

(ROTHANLIANA)
Secy i/c Publicity