PRESS RELEASE
10th September 2018


MI RETHEITEN ZIRNA THA AN DAWN VE THEIH NAN ZIRNA FEE TI SANG LO HRAM ANG U


Vawiin ni 10th September,2018(Thawhtan) khan MZP Executive Meeting MZP Conference hall-ah neih a ni a, Meeting hi Tv. L.Ramdinliana Renthlei President in a kaihruai a ni. Meeting-ah hian MZP hmalakna hrang hrang report ngaihthlak a ni a, MZP Rorelna sang Federal Council Sitting chungchang te, Private School Fee sang lutuk chungchang te leh Ramri humhalh kawngzawh chungchang te rel a ni.

Mizoram Private School hrang hrang Monthly fee sang lutuk chungchang chu ngaihtuahin uchuak taka fee tisang an awm niin MZP chuan a hria a, Sorkar in fee chungchangah Notification a chhuah ang a Private School ten fee siam turin Private School thuneitute chu a ngen a, zirna tha chu mi rethei ber te pawhin awlsam tak a an zir ve theihna turin fee tisang lo turin MZP chuan private school thuneitute a ngen a ni. Private Schol Fee chungchangah dan zawmtur Sorkar-in a siam ang a kalpui a nih theih nan MZP chuan a theih angin hma lak a tum a ni.
Assam leh Mizoram ramri chungchanga hmalakna a awm loh chuan Ramri humhalh kawngzawh 12th September,2018-a neih nise ti a alo rel tawh chu MZP meeting chuan ngun taka ngaihtuahin ramri chungchangah hian ni 7th September, 2018(Zirtawpni) khan MZP hruaitute leh Chief Minister ten an sawiho a, Chief Minister in chak taka hma la nghal in Ramri chungchang ngaihtuahtu tur Core Committee thar hlak siamin, a rang lama Sorkar laipui nen inbiak a, a theih anga chak a bawhzui a ni dawn a ni. Assam leh Mizoram ramri ngaihtuahtu tur Core Committee tharah hian Pu Lalnunmawia Chuaungo, IAS Principal Secretary Home Department Mizoram chu chairman a ni ang a, Principal Secretary Home Department kaihhruaina hnuaiah hian Assam leh Mizoram ramri buai chungchang chu chak taka hmalak chhunzawm nghal a ni dawn a ni. Heti a Assam leh Mizoram ramri buai chungchanga sorkar in hma la nghal a a bawhzuitu tur Core Committee thar hlak siam a nih dawn tak avang hian tun dinhmunah chuan kawngzawh tum hi MZP meeting chuan chawlh lailawk rih nise a ti a, Sorkarin a intiam ang a MZP duh dana hma a la lo a nih chuan a tul angin MZP chuan hma a la chhunzawm zel dawn a ni.


 Vawiin meeting chuan MZP rorelna sang Federal council Sitting chu 12th October, 2018 hian Aizawl a neih turin a rel a ni.

Sd/-
(H.LALTHIANGHLIMA)
Asst. General Secretary