Latest Post

HIGH SCHOOL LEH HIGHER SECONDARY SCHOOL TE KAL VEK TURA SAWMNA



MZP buatsaihin Remna Ni chu ropui taka hman a ni dawn a. Kum 2019 Remna Ni hi Pathianni a nih avangin ni 28th June 2019(Zirtawpni) chawhma dar 11:00 hian a lawmna pui ber Aizawl Sipai Lammual-ah hman a ni dawn e.

He huna hian remna leh muanna kan neih theih nana thawhhlawk te chawimawina neih a ni dawn a. Chawimawi te pual hian Remna Ni urlawkna ni pah fawmin ni 27th June 2019(Ningani) zan dar 8:00 hian Ignite Studio, Khatla ah hun hman tur a ni bawk a. He hun hi LPS leh ZONET ah live a pek chhuah a ni ang.

School Education Department lam atangin High School leh Higher Secondary school kal phalna pek kan nih angin Aizawl khawpui chhung a High School leh Higher Secondary School zawng zawng te kal vek turin kan in ngen e. Tin, REMNA NI hmang tur hian MZP chuan Mizo mipui leh zirlai zawng zawng te thinlung takin a sawm a ni.

MZP General Headquarters, Aizawl.