No. E-93/MZP-GHQ/2019-2021/70           Dated Aizawl, the 5th September, 2020


Press Release

Vawiin 5th September,2020(Inrinni) khan Takam misual ten Saizawh West, Mizo tlangval Kross Hmingthanga an khawih chungchangah Saizawh West NGO, leh Young Chakma Association(YCA) te Chawngte 'C' MZP Pisa ah meeting tura koh an ni. Tin, Takam pawn chuah khap(Curfew) puan a ni bawk. Meeting hi Pu Lalpeksanga Chenkual, MZP Headquarters Lunglei, Secretary chuan a kaihruai a ni.

Chawhma dar 9:00 a Saizawh West NGO te nen meeting ah hian Pu B. Vanlaltana MZP General Headquarters President chuan, Saizawh khuaa cheng Zohnahthlak awm mek te chu Mizote tan ral hmatawng leh kan ram neih chhun zimte venghim tu in ni a. Takam misualte laka zamlo a, huaisen taka lo dolet zel turin leh an thlavang hauh tura Mizo thalaite tam tak an awm thu a hrilh.

Saizawh NGO hruaitute chuan Takam hoin development ah nasa taka an thlim dan leh hamthatna an pek that ve duh loh thu leh Takam ten CADC area hnuaia Mizo awmte hmusit dan leh kut an thlak fo thu te an sawi a. Mizoram sawrkar pawhin CADC area chhunga Mizo khuate chu ngaihven tur leh CADC hotute hnenah pawh hmalak pui tura an duh thu MZP hruaitute an hrilh.


Chawhnu dar 1:00 khan MZP Sub-Headquarters, Pisa Chawngte ah Young Chakma Association(YCA) hotu zawng zawng kohkhawm an ni a.  He hunah hian Pu B. Vanlaltana chuan, Mizote hian Mizoram chhunga hnam dang te hi kut an thlak ngawt ngaihloh thu leh an diriam ngawt ngai loh thu a sawi a. Hnamdang Takam, Tuikuk leh Vai te zawk hian a ram neitute zawk kutthlak a, thisen chhuah mai duh tawk loin nunna hial min laksak thin a. Ni 3 September, 2020 tlailama thil thlengah pawh Takam misual mi sawmnga(50) chuang zetin Mizo tlangval chu a chenna inah kal chilhin an sawisa a. He thil hi MZP chuan a a hrethiam ngai dawn lo a a dem takzet thu a sawi nawn leh a. A tul angin sorkar laipui thlenga thlen anih tur thu a sawi bawk. 

Central Young Chakma Association(CYCA) President Dr. Joyti Chakma chuan he thil thleng hi pawi an tih thu leh Mizo mipui leh kut tuar chhungte chungah ngaihdam a dil a. Pawi khawihtu mante hi hrem ngei an duh thu leh MZP te duh anga Mizo mipuite hnenah ngaihdam dilna an tih chhuah tur thu a sawi bawk.

MZP hruaitute chuan tlai dar 3:00 khan Chief Executive Member, CADC Rasik Mohan Chakma chu a chenna inah hmu nghalin, pawikhawihna thleng avanga Mizo tlangvalin Takam kut a tuar chu MZP ten an hrethiam thei dawn lo a, CEM anihna anga mawhphur ngam tur leh hliamtuar pawh CADC in zangnadawmna pe nghal turin MZP chuan an hriattir a. CEM chuan MZP te ngenna angin CADC chuan hliam tuar hnenah Rs. 50000/- an pek tur thu MZP hruaitute a hrilh. 

MZP chuan Chawngte ah hian Takam pawn chhuah a khap angin dawr leh office pawh khar vek a ni.

Sd/-

(LALNUNMAWIA PAUTU)   

    General Secretary