Latest Post

PISA PUI HAWNG

No. E. 93/MZP-GHQ/2019-21/103
Dated Aizawl the 20th January 2021
MZP PRESS RELEASE
Vawiin January 20, 2021 Nilaini chawhnu dar 1 hian MZP General Headquarters, Aizawl chuan MZP Pisa Pui kum 2021 atan hawnna hun hman a ni a. Pu Peter Chhangte Vice President chuan a kaihruai a ni.



He huna thusawitu MZP President Pu B. Vanlaltana chuan,"MZP hian kum 1935 a din a nih atangin zirna lam hawi leh hnam inpumkhatna hi a ngai pawimawh em em a. Hnam inpumkhatna a ni emaw zirna kawngah a ni emaw Pathian duhdana kal hi kan tih tur a ni a. Kan hmabak, kan hmachhawp te a hlawhtlin theih nan tawngtai leh dil chungin hma lam kan pan a ṭul a ni." a ti a.
MZP President chuan,"He ram lo hi ram dang kan nei lo a. He ram tana fahrin man hla ni turin kan inbuatsaih angai a, kan awmdan leh kan chetdan zawng zawngah midang tana harsatna thlentu ni lo a midang tan malsawmna ni thei turin kum 2021 bul kan ṭan a pawimawh em em a ni." a ti bawk.
Pu Lalmuanpuia Punte Ex-President MZP chuan fuihna thu sawiin, "MZP te hian Pathian hruaina kan dawng ṭhin a. Hnam thilah MZP hi Zofate tana hmala ṭhin a ni a. Kan thil tih ah kan chiang tur a ni a. Kan hmalakna reng rengah a tawp kan thleng ngam tur a ni. a ti a. Zofate hi keimahni ke a ding thei kan nih zia ti lang turin huaisen tak leh dik takin hma kan la ngam tur a ni." a ti bawk.

Sd/-
(LALNUNMAWIA PAUTU)
General Secretary