No. E-93/MZP-GHQ/2021-2023/19              Dated, Aizawl, the 15th March, 2022


PRESS RELEASE


Vawiin ni 15th March, 2022 (Thawhlehni) chawhnu dar khat khan MZP General Headquarters  Executive Committee meeting vawi 606-na, MZP Conference Hall-ah neih a ni a. He hunah hian MZP Inter College Cultural Dance Competition neih chungchangte, MZP Inter College Debate Competition neih chungchangte, ZOFEST 2022 leh Mizo Language development board Act chungchangte rel  a ni.

Meeting chuan MZP Assembly 2021 in a lo rel tawh, Zofate hnam khawmpui lian Zofest vawi 10-na tur chu kumin 2022 hian buatsaih leh ngei a nih theih nan Organising Committee a din a, Chairman atan MZP President leh Secretary atan MZP General Secretary te a ruat a ni. 

Meeting chuan Mizoram Assembly Session neih zawh takah, Mizo Language Development Board Act. pawm a ni chu lawmawm a ti takzet a. Mizo tawng tih hmasawnna leh tih changtlunna atana Mizoram sawrkar hmalakna chu fakawm a ti hle a, chutih rualin MZP chuan uluk takin he Act hi zirchian a, uluk taka enzui zel a tum dawn a. Kan ram leh hnam leh Zofate kan insuihkhawmna atana him tur bera kalpui hi a duh takzet a ni. 

Meeting chuan, MZP  Inter College Cultural Dance Competition hi  April 8, 2022 a neih turin leh MZP Inter College Debate Competition hi March 29, 2022 a neih turin a rel bawk.





(CHINKHANMANGA THOMTE)
Asst. General Secretary