Latest Post

TUN HNAIA PAWL HMALAKNA LEH HMACHHAWP LANGSAR ZUAL

1. Pisapui building renovation hi chak taka kalpui mek niin, 50% thawh zawh tawh a ni a. Conference Hall khawih mek a ni. Tun thla chhunga zawh hman beisei a ni.

2. JAC on Inner Line reserve forest in pawl aiawh inruat tura min ngen angin Tv. Lalthakima ECM ruat a ni.

3. MZP Chanchinbu Managing-in rawtna an siam angin, Editorial sawih danglam hlek a ni a. Circulation Manager atan Tv. Dawngsiankhaia ECM ruat thar a ni.

4. Culture Sub Committee in rawtna an siam angin, April thlaah Inter College Cultural Dance Competition buatsaih tura ruahman a ni. 

5. AMC te nen ṭang kawpin, Inter College Debate Competition buatsaih tura hmalak mek a ni. 

6. Executive Meeting in a rel tawh, UPSC Coachinga Mizo 3 sponsor kan tum chu chak taka bawhzui zel a ni a. MPSC in Selection Exam-ah min pui dawn a, an facility kan hman sak dawn a. Delhi a Coaching Center kan biak ten, question MCQ an set hmanga exam kalpui a ni ang. Ni 18/3/2022 a exam neih hman tum a ni. 

7. Pisapui kan chei ṭhat zarah, kan Pisapui ram Land Lease a fel lo tih hriatchhuah a ni a. Hei hi buaipui nghal niin, kan pawl ram hi MZP hming ngeia dah a nih theih Tv. Dawngsiankhaia ECM in a buaipui mek a ni. 

8. Ni 25/3/2022 a MCO Conference cum Election awm turah, Secy. i/c Social & Culture rawtna angin, Culture Club member– V. Lalremhlua, H. Lallawmzuali leh F. Lalhriatpuii ten pawl ai an awh ang. 

9. Headquarters inthlang tur ten, General Headquarters an rawn hriattir mek zel a. OB ten observe tum a ni. 

AGS
March 8, 2022