No. E-93/MZP-GHQ/2021-2023/22                  Dated, Aizawl, the 5th April, 2022

PRESS RELEASE


Mizo Zirlai Pawl (MZP) General Headquarters chuan vawiin Ni 5, March 2022 atanga sikul tan a ni ta chu lawmawm a ti hle a. Zirlaite hmakhaw ngaia Mizoram sawrkar hmalakna chu lawmawm a ti hle.

Hripui vanga kum hnih chuang zirna in khar a nih hnuah School Education Department hmalaknaa vawiin atanga zirlai nawlpui tana sikul hawn tan a ni leh ta hi MZP chuan lawmawm a ti hle a, hemi atana School Education department hotute inpekna leh thahnemngaihna fakawm a ti takzet a ni.

MZP chuan, Sikul thuneitute chu hripui laka zirlaite bakah mipui him zelna atan sorkar dan siamte zawm chunga zirtirna kalpui hram hram turin a ngen a. Zirlaite hi Mizoram nghahfak an ni tih hriaa zirtirna kalpui kawngah zirlaite himna ngaipawimawh a, sawrkar dan siam leh ruahmanna siamte zah tak chunga kal turin MZP chuan sikul thuneitute a ngen bawk a ni.

MZP chuan zirlai nu leh pa, zirlai thlahtute pawh hripui laka kan him zawk nan a theih chinah sawrkar dan siam zawm a, mask vuah ngaipawimawh turin a ngen bawk a ni.

(JACOB LALMUANPUIA)
General Secretary