Aizaw, 20 Oct 2023: Vawiin ni 20th October, 2023 (Zirtawpni) hian MZP General Headquarters huaihawtin, hnamdang pasal nei MLA Candidate duh loh lantir nan, "Hnam humhim kawngzawh" Aizawl khawpuiah neih a ni. 

MZP General Headquarters huaihawtin, hnamdang pasal nei MLA Candidate duh loh lantir nan, "Hnam humhim kawngzawh" Aizawl khawpuiah neih a ni. Kawngzawh hi Zarkawt kawn atanga tanin, Vanapa Hall kawt thleng zawh a ni a. Zarkawt kawnah Pu Chinkhanmanga Thomte General Secretary-in thu sawiin, Vanapa Hall kawta hun tawi hmannaah Pu H. Lalthianghlima MZP President in thu a sawi bawk.
Kawngzawh hi Zarkawt kawn atanga tanin, Vanapa Hall kawt thleng zawh a ni a. Zarkawt kawnah Pu Chinkhanmanga Thomte General Secretary-in thu sawiin, Vanapa Hall kawta hun tawi hmannaah Pu H. Lalthianghlima MZP President in thu a sawi bawk. 

Pu H. Lalthianghlima chuan thu sawiin, "MLA Election lo awm turah hnamdang pasal nei Candidate a dah lo turin vawi tam tak Party tinte kan ngen a. Ram leh hnam tan min zawm sak party an awm laiin, hnamdang pasal nei tih hre reng chungin Congress Party-in an dah lui hi pawi kan ti a. Hnamdang ten an nupuite hmanga kan ram rorêlna sang ber an luhchhuah hi kan remti ngai dawn lo a ni" a ti.

MZP President chuan, "Hnamdang pasal nei MLA Candidate-te an tlin loh nan ke kan pen chhunzawm zel dawn a. Mizo Hnam hi thisenah a nih avangin, hnamdang Mizorama an awm rei tawh avanga Mizo-a pawm chi an ni lo" a ti bawk. 

MZP chuan, hnamdang pasal nei Candidate a dah lo turin Party tinte vawi tam tak a ngen a, MZP ngenna ngaipawimawh-a an Party Candidate hnukkhir-te chungah lâwmthu a sawi tak meuh meuh a ni. 

Hnam humhim kawngzawhte hian, a hnuai a mi ang hian resolution a siam:-


1. Mizoram rorêlna sang ber, Assembly House-a thu turin, hnamdang pasal nei kan duh lo.

2. Hnamdang pasal nei MLA Candidate-te hi hnawla, vote lo turin Mizo mipuite kan ngen a ni. 

3. Mizoram leh Hnam humhim a nih zel theih nan a tawp thlengin ke kan pen zel ang.