Latest Post

PRESS RELEASE | Bangladesh avanga kan zofa unau raltlante an tlawh kual

No. E-93/MZP-GHQ/2023-2025/27       Dated: Aizawl, the 9th January, 2024

PRESS RELEASE

Mizo Zirlai Pawl (MZP) General Headquarters, Aizawl chuan vawiin ni 9th January, 2023 khan an President Pu H. Lalthianghlima hovin Parva III, Chamdur P leh Vathuampui, Bangladesh avanga kan zofa unau raltlante an tlawh kual a, an harsatna tawh leh an mamawh hrang hrangte a hmunah an enfiah nghal bawk.

MZP President Pu H Lalthianghlima chuan, raltlan te chu thlamuang taka awm turin a chah a, khawtlang leh kohhran ah te inhmang tur leh theihtawp chhuah a intodelh tum tlat turin a chah bawk.

Parva III ah hian raltlan chhungkaw 41 awmin, mi 198 an awm a, Chamdur P ah  raltlan chhungkaw 22 awmin, mi 127 an awm a, Vathuampui ah raltlan chhungkaw 76 awmin, mi 350 an awm mek bawk a ni.

Thilpek hlan te:-

1. Parva III - Blanket 30 leh Rs 2000/-

2. Chamdur P ah Rs 5000/- 

3. Vathuampui ah Blanket 30 leh Rs 2000/- hlan an ni.

Khawtlang hruaitu te'n lo tawiawm in an mahni khua zirna in lama an harsatna tawh hrang hrangte MZP hruaitute hnenah hian an lo thlen a ni. 

Raltlan thilpek hlanna ah hian Pang Zirlai Pawl leh Hmar Students' Association hruaitute'n an tawiawm bawk.


(C. LALHMINGSANGA)
Asst. General Secretary