Ni 29 April, 2025 (Thawhlehni) a Mizoram Board of School Education (MBSE)-in High School Leaving Certificate (HSLC) 2025 result a tichhuak thei chu lawmawm a ti hle a. MBSE-in hun reilote chhunga result felfai tak tichhuak thei tura an thawhrimnaah lawmthu a sawi a ni.

Kumin HSLC exam-ah hian zirlai 18,946-in exam an hmachhawn a, chung zinga mi 14,527 ten hlawhtlinna an chang a. Pass percentage chu 76.68% a ni. Nikum 2024 khan HSLC pass percentage chu 73.37% a ni a. MZP-chuan hmasawnna nasa takah a ngai ani.
MZP chuan Martic exam a zirlai hlawhtlinna chang zawng zawngte a lawmpui takzet a. Compartmental chance nei zirlai 64-te pawh nasa zawka inbuatsaih chhunzawm turin a ngen a. Chutih laiin hlawhtlinna chang zo ve ta lo zirlai 4,355 te a tawrhpui takzet a ni. A lehpekah chuan hlawhtlinna chang ngei tura bei sauh sauh turin MZP chuan a fuih nghal a ni.
MZP chuan kum 1995 atanga kumtin a lo tih thin angin, HSLC Top-10 a Mizo tlingte a chhuan zia leh duhsak zia lantir nan leh Mizo zirlaite inkarah inelna thianghlim a awm theih nan, ni 7 May, 2025 hian Vanapa Hall-ah HSLC Top-10 a Mizo tlingte chawimawina hun a buatsaih leh dawn a ni.