MIZO ZIRLAI PAWL

Federal Council Vawi 59-na

(2023-2025 term ah vawi 3-na)

 

MINUTE


A hmun              : MZP Conference Hall, Aizawl.

A hun                  : 16th July 2025 (Nilaini) 1:00 PM


Chairman                  : Dr. C.Lalremruata, Vice President

Vice Chairman         : Pu Zairemthanga, Treasurer

House Leader           : Pu H.Lalthianghlima, President


Hunserh                    : Pu Ricky Lalbiakmawia, NESO Vice Chairman

Report                        : Pu Chinkhanmanga Thomte, General Secretary

Inchhiarna                 : Pu C.Lalhmingsanga, Assistant General Secretary

House address         : House Leader

Rec. Secretary            1. Pu Chinkhanmanga Thomte, General Secretary

                                      2. Pu C.Lalhmingsanga, Assistant General Secretary

                                      3. Tv C.Lalrosanga, Secretary i/c Information

                                      4. Tv. Lalramenga Ralte, Secretary i/c Publicity

 

 FEDERAL COUNCIL AGENDA

1.    Sairang thleng rel a lo luh dawn avangin, Mizoram chhunga rel tlanna kawng\chawlhhmun (Station) ah ILP checkpoint siam anih theih nan MZP in hma la rawh se.

2.    NHIDCL hnathawh hi a that tawk loh thin avangin, MZP in a that zawk theih nan hma la rawh se.

3.    Zofa hnam khawmpui lian ZOFEST hi 2026-ah neih leh ni rawh se.  

1.            Mizo Zirlai Pawl (MZP) Federal Council Vawi- 59-na (2023-2025 term-a vawi- 3 na) ni 16 July, 2025 (Nilaini) a MZP Conference Hall a neih chu chawhnu dar 1:00 ah tan a ni.

2.            Chairman Dr C.Lalremruata (Vice President) in inkhawm kaihruaiin. MZP Danbu Article 10.2A tlawhchhana Federal Council koh a nih thu a sawi a. Federal Council Pathian hnena hlan turin Pu Ricky Lalbiakmawia, NESO Vice Chairman a sawm a, Genesis bung 12: 1-3,  Deuteronomy bung 7: 1- 4 leh Thufingte bung 3: 5 a chhiar. Hunserh hman a nih hnu hian Pu Chinkhanmanga Thomte, General Secretary report pe tur leh inhmelhriattirna nei turin a sawm chhunzawm a ni.

3.            General Secretary-in pawl hma lakna hrang hrang, Federal Council hmasa rorel bawhzui dan leh pawl dinhmun report a pek hnuin, General Headquarters Elected Office Bearers-te inhmelhriattirna hun a hmang nghal a, Federal Council-a kal theilo phatna siamte a chhiar chhuak nghal bawk. Heng a hnuai mite hi Federal Council kal theilo phatna siama lehkha thehlutte an ni:

HEADQUARTERS

1.   MZP Headquarters, Behliangchhip

2.   MZP Headquarters, Zawlnuam

3.   MZP Headquarters, Manipur

4.   MZP Headquarters, Mamit

5.   MZP Headquarters, Biate

6.   MZP Headquarters, Saitual

 

SUB-HEADQUARTERS

1.  MZP Sub-Headquarters Thiak

2.  MZP Sub-Headquarters Bilkhawthlir

3.  MZP Sub-Headquarters, Kawrtethawveng

4.  MZP Sub-Headquarters, Phuldungsei

5.  MZP Sub-Headquarters, Reiek

4.            General Secretary-in hun a hman zawh hian Pu C. Lalhmingsanga, Assistant General Secretary kaihhruaina hnuaiah Federal Council Vawi-59 na palai kal zat inchhiarna hun hman a ni a. Inchhiar laia rorel palai kal zawng zawng mi 94 a ni.

5.            Assistant General Secretary-in hun a hman zawh hian, Chairman in House Leader Pu H.Lalthianghlima house addresss nei turin a sawm a. House Leader chuan, MZP-in Mizo hming hawha Mizoram chhunga hnamdang sumdawnna kalpui an tam ta lutuk leh an huangtau lutuk a vei thu sawiin, tlang hrang hranga MZP ten theih ang anga hnamdang hming hawha sumdawngte dap chhuaka, hmala turin a sawm.

MZP President chuan, Hnamdang zingah Mizoram a lirthei khalh an tam thu sawiin, mistiri ten an duh duh dana rate an inchhiar leh, contractor ang maia contract system a thil an kalpui hi MZP chuan kan ngaimawh hle a ni. Sawrkar hnathawk leh Department zingah, an hamthatna in a ken tel entitlement aia tam lirthei kawl an awm tih MZP in a hria a. A tul angin kan bawhzui ang a ti bawk

NHIDCL hnathawh chungchangah pawh hmalak mek a nih thu a sawi a, NHIDCL ten an hna tha taka thawk turin a duh thu a sawi. Rorel palai kal khawmte hnenah MLA election-ah mahni tan zawng te pawl hminga tumah pui lo tur leh mahni mimal ang pawha kan fimkhur zual deuh deuh a ngaih thu house leader chuan a sawi.

6.            House Leader-in hun a hman zawh hnu hian Chairman-in agenda te chhiar chhuak turin Pu Chinkhanmanga Thomte a sawm a, General Secretary-in a hun a hman zawh hnuin rorel tan a ni.

 

THURELTE:

1.    Sairang thleng rel a lo luh dawn avangin, Mizoram chhunga rel tlanna kawng / chawlhhmun (Station) ah ILP checkpoint siam a nih theih nan MZP in hma la rawh se, tih chu Pu Chinkhanmanga Thomte, General Secretary-in sawi hawnna a neih hnuin palaiten sawihona an nei nghal a. Lungrual takin MZP Assembly 2025 agenda atan kan pawm.

2.    NHIDCL hnathawh hi a that tawk loh thin avangin, MZP-in a that zawk theih nan hma la rawh se, tih chu Pu Chinkhanmanga Thomte, General Secretary-in sawi hawnna a neih hnuah, palai ten sawiho a ni a. A hnuaia mi ang hian a thu tlema siam danglamin Federal Council vawi 59-na palaiten Assembly 2025 Agenda atan lungrual takin kan pawm.

NHIDCL hnathawh hi a that tawk loh thin avangin, a that zawk theih nan MZP-in hma la chhunzawm zel rawh se,

3.    Zofa hnam khawmpui lian ZOFEST hi 2026-ah neih leh ni rawh se tih chu, Pu Chinkhanmanga Thomte General Secretary in a sawi hawn hnuah palaiten lungrual takin Assembly 2025 agenda atan kan pawm.

ZERO HOUR: 

1.   MZP Headquarters Champhai President Pu H. Lalruatdika’n Zero Hour a thusawi a dil a, Chairman in a remtih angin; unqualified part-time Assistant Professor chungchang-a College hrang hrangte tawrh theih dan tur a sawifiah. Palai kal khawm ten ngun taka kan sawi ho hnuin, khaikhawm turin Chairman-in House Leader a sawm a. Hetiang hian hmalak dan tur sawiin a khaikhawm:- 

i.    Unqualified part-time Assistant Professor ho hi a thlaknatur ruahman a nih phawt loh chuan, ban loh nise.

ii.   Unqualified part-time Asst. Professor zingah BCA zirtirtu eng emaw zat an tel a, an ni hi AICTE Norms tlawhchhana MPSC in Qualified tia a lakte an ni a. Zirlaite leh College-in a tawrh loh nan an chungchang hi ngaihtuah nawn turin sawrkar ngen nise.

iii.   Hemi chungchang hi Chief Minister leh Higher & Technical Education Minister te hnenah thlen nise.

2.   MZP General Headquarters Treasurer, Pu Zairemthanga, Vice Chairman ni bawkin Zero Hour thusawi dilin, Chairman in hun a pe a. MZP ngaihdan awmsa reng, Mizoram sawrkarin pension tawh a rawih loh nan MZP in hma la rawh se tih chu hmala zel turin rawtna a siam a. Pawl ngaihdan awm sa a nih avangin, chak taka bawhzui zel nise tih a ni.

Rorel zawh a nih hnuin, Chairman-in palai kal tha lawmante sem turin Pu Rothanliana, Finance Secretary a sawm a. Palai inchhiar laia kal tha, lawman pek dan chu a hnuaia tarlan ang hi a ni:-

1.    Headquarters                 – Lunglei (6)

2.    Sub-Headquarters         – Falkawn (10)

3.    Branch                           – Dampui (2)

4.    Hnampual                     – Mizoram Bawm Students’ Association (3)

Chairman-in Recording Secretary Tv. C. Lalrosanga Rorel Minute chhiar chhuak turin a sawm a. Siamthat ngai laite siamthat a nih hnuah Lal tawngtaina sawi turin Federal Council Sitting vawi 59-na rorel tihtawp a ni.   

Palai kal zat: 94 (sawmkua pali)

 


(H. LALTHIANGHLIMA)

House Leader

 


 (C LALREMRUATA)                                                                 (ZAIREMTHANGA)

        Chairman                                                                                        Vice Chairman

  

(CHINKHANMANGA THOMTE)                                         (C. LALHMINGSANGA)

       Recording Secretary                                                                    Recording Secretary



 (C. LALROSANGA)                                                                  (LALRAMENGA)

Recording Secretary                                                                         Recording Secretary