MZP General Headquarters, Aizawl chuan vawiin ni 18 December, 2025(Ningani) chawhnu dar 1:00 khan, kumin atan MZP Pisapui kharna hun leh Advance Chrismas an hmang a, Vice President, Pu Sanghmingthanga kaihhruainain hun hi hman a ni.

Kumin atana MZP Pisapui kharna hunah hian MZP President Dr. C. Lalremruata chuan thu sawiin, "MZP Pisapui hi khar mah ila, Zirlaite leh ram leh hnamin min mamawhna zawnah chuan engtik lai pawhin kan awm reng dawn tho a. Engtik lai pawhin min mamawhtute tan kan awm reng dawn a ni" a ti.

MZP President chuan, "Sawrkar thuneitute'n Board exam-ah selection neih an rem tih tawh loh laia, school thenkhatin Board exam result tha duh avanga zirna kawnga hnufual zawkte an school hminga exam tir an phallo thin chu MZP chuan hriatthiam har a ti hle a, hemi chungchangah hian School Education Director hnenah hma la turin ziaka thlen a ni tawh a ni. Zirlai hnufual zawkte pawh zirtirtu qualify ngeiin a kum 1 chhung an zirtir chunga, zirlaite an la fail thin chu mak a ti thu a sawi a.Anmahni school hming ngeia an exam theih nan MZP chuan hma a la zel dawn a ni" a ti.

MZP President chuan, “ Students’ Aid Fund (SAF) kumin a an tlangzarh thei chu a lawmawm a ti a. Mizo zirlaite tan Students' Aid Fund(SAF) chu kumthar atangin, management committee hnuaiah mumal takin zirlai an zirna kawnga chhawmdawl ngaite tan a sem chhuak tan dawn a ni.

MZP Pisapui kharna leh Advance Christmas ah hian Gift Exchange te neiin hun hlimawm tak tak hman a ni a, tlai lamah chawhlui tui tak kilho nghal a ni.

MZP Pisapui hi January ni 12, 2026(Thawhtanni) a mamawhtu apiangte tan a dawr theih turin hawn leh a ni ang.



(MOSES VANLALSAWMA)

Secy i/c Publicity