No. E-93/MZP-GHQ/2025-2027/22 Dated Aizawl, the 23rd April, 2026


PRESS RELEASE

Vawiin ni 23 April, 2026 (Ningani)-a Mizoram Board of School Education (MBSE)-in High School Leaving Certificate (HSLC) 2026 result a tichhuak thei chu MZP chuan lawmawm a ti hle a. MBSE-in hun reilote chhunga result an peih fel thei leh result felfai tak an tichhuak thei chu fakawm tiin an thawhrimnaah lawmthu a sawi a ni.

Kumin HSLC exam-ah hian zirlai 18,257-in exam an hmachhawn a, chung zinga mi 14,663 ten hlawhtlinna an chang a. Pass percentage chu 80.31% a ni. Nikum 2025 khan HSLC pass percentage chu 76.68% a ni a, MZP-chuan hmasawnna nasa takah a ngai a ni.

MZP chuan Martic exam a zirlai hlawhtlinna chang zawng zawngte a lawmpui takzet a. Compartmental chance nei zirlai 117-te pawh nasa zawka inbuatsaih chhunzawm turin a ngen a. Chu tih laiin hlawhtlinna chang zo ve ta lo zirlai 3,477 te a tawrhpui tak zet a ni. A lehpekah chuan hlawhtlinna chang ngei tura bei sauh sauh turin MZP chuan a fuih nghal bawk.

MZP chuan kum 1995 atanga kum tin a lo tih thin angin, HSLC Top-10 a Mizo tlingte a chhuan zia leh duhsakna lantir nan leh Mizo zirlaite inkarah inelna thianghlim a awm theih nan, ni 28 April, 2026 (thawhlehni) hian Vanapa Hall-ah HSLC Top-10 a Mizo tlingte chawimawina hun a buatsaih leh dawn a ni.

(LALENTLINGA)
Asst. General Secretary
MZP General Headquarters
Contact : +91 9612556605