MZP-in Emergency Meeting ko; Mizoram Tourism Director charge la tura Pi R. Lalrodingi a ruatna order chhuah nawn chungchang a ngaihtuah

Vawiin May 23, 2026 (Inrinni) tlai dar 5:00-a MZP General Headquarters, Aizawl Emergency Meeting chuan, DP&AR (Civil Service Wing) in May 22, 2026 zirtawpni-a Mizoram Tourism Director charge la tura Pi R. Lalrodingi a ruatna order chhuah nawn chungchang a ngaihtuah a.

MZP chuan, He thuchhuah hi Mizoram mipuite leh zirlaite zah lohnaah a ngai a, he thuchhuah hi sut a nih hma chuan na takin a dodal zel dawn a. Hemi chungchang hmalakna kal zelah hian, May 25, 2026 (Thawhtanni) hian Mizoram Tourism Pisa kai tur dan a rel a ni.

He thilah hian MZP chuan, mipuite thlawpna a ngen a. Pisa kai tur dannaah hian, thalai hna zawng mek leh zirlaite tawiawmna MZP chuan a ngen nghal a ni.