Mizo Zirlai Pawl General Headquarters chuan Mizoram Public Service Commission (MPSC) chungchanga hmalakna kal zelah ni hnih(2) chhunga Peaceful Protest neih anih hnuah, thu leh hla engmah thuneitute hnen atanga hriat ala nih loh avangin, zing dar 8:00 atangin August ni 10-12, 2026 MPSC Pisa kai tur dan  a ni.

 

DP&AR SECRETARY HOIN MPSC THUNEITUTE LEH MZP HRUAITUTE, COLLEGE SU AIAWH LEH MPSC A HARSATNA TAWK AIAWH TEN INKAWMHONA HUN AN NEI

 



August ni 12, 2026(Nilaini) chawhnu dar 1:00 khan Chief Secy Conference Room-ah, DP&AR Secretary Udit Prakash Rai kaihhruainain inkawmhona neih a ni a, he hunah hian MZP hruaitute, MPSC a harsatna tawk zirlai aiawhte leh MPSC thuneitute an tel a ni.

 



He inkawmhona hunah hian sawrkar aiawh, DP&AR Secretary chuan Mizoram sawrkar in a MPSC Reform Committee din a nih tur thu sawiin, Chief Minister hnen a thlen tawh thu a sawi.

 

MZP hruaitute leh MPSC a harsatna tawk zirlaite chuan, MPSC a buaina hrang hrang chungchang ni 2 chhung Peaceful Protest neih a nih hnu leh ni 3 chhung zet MPSC Pisa kai tur dan a nih hnuah, sawrkar aiawh thuneitute ho a meeting neih a ni ta hi lawmawm a ti hle a, chutihrual chuan MPSC Reform committee dinna Order chhuah anih hma chuan August ni 13, 2026(Ningani) zing dar 9:00 atangin MPSC Pisa kai tur chu dan chhunzawm zel nise an ti.