Trust Fund Box
💌Trust Fund awmzia: MZP General Headquarters chuan, zirlai harsa leh tanpui ngaite tanpui nen kum 2021 khan “MZP Trust Fund” tih hi a kalpui tan a. MZP Pisapui-ah bawm dawh niin, MZP General Headquarters Sumpui atang pawhin thawh thin a ni bawk. 

MZP Trust Fund diltu zirlaite hnenah sum hi pek chhuah thin a ni a, a dawngtute pawhin an hmang tangkai hle thin a ni. 

⌛Hmachhawp: Tunah hian Trust Fund mumal leh tha zawk nei turin ruahmanna siam mek a ni a, ngaihtuahna lo senga ruahmanna lo siam turin Pu C. Lalremruata Vice President leh Pu Chinkhanmanga Thomte General Secretary-te ruat an ni. 

Fund pek chhuah lai
💰Donate duhte tan: MZP Pisapui-a Trust Fund bawmah mahni phal ang tawk thawh theih a ni a. MZP Bank Account-ah thawn theih a ni bawk.

💝Dil duhte tan: Zirlai harsa tu pawhin an dil thei a, ziakin General Headquarters-ah thlen tur a ni. Khawtlang hruaitute emaw an awmna MZP hruaitute hriatpuina lehkha thiltel tur a ni. Trust Fund dawngte nihna hi puanzar a ni ngai lo.