Dated Aizawl, the 7th December, 2017: MZP chuan Mizoram sorkar hnuaia hnathawkte lungawilohna 7th Pay anga hlawhlak an phut avanga an nawrhna leh an lungawilohna chu a hriatthiampui hle a, kan state dinhmun leh harsatna ngaihtuahin tun dinhmunah chuan Mizoram sorkar hnathawk ten 7th Pay anga hlawh lak hi kan ram chhunga mi harsa leh rethei te tan harsatna lianzawk a thlen dawn avangin kan ram in a la zo lo deuh niin kan hria a ni.

Hetih lai hian sorkar enkawl school hrang hrangah zirlai naupang ten second term exam an neih lai mek a ni a, kan zirlaipui thenkhatte exam tibuai zawnga nawrh huaihawt a ni hi pawi kan ti hle a, hriatthiam har kan ti tak zet bawk a ni. Kan zirlaipui exam nei mek te hian an kumkhat hnathawh rah an seng theih nana exam tha taka an kaltlangpui theih nan sorkar enkawl school bik a zirtirtute hi chu mass casual leave la lo a, zirlaiten tha tak leh tluang taka an exam theih nana inbengdai turin MZP chuan kan ngen a ni.

(H. LALTHIANGHLIMA)
Asst. General Secretary