Dated Aizawl, the 24th November, 2017 : Vawiin ni 24th November, 2017 khan MZP Inter High High School Quiz 2017 khuhhawnna chu MZP Conference Hall, MZP Pisapui-ah neih ani a, he hun hi Tv. Michael Lalramsanga Treasurer in kaihruaiin, Pu B.Vanlaltana Vice President in thusawina hun a nei a ni. MZP Inter High School Quiz hi kum 2010 atang khan kum tin buatsaih thin a ni.

Pu B. Vanlaltana Vice President chuan, “Zirlaite chuan discipline ngai pawimawh se ka duh a, discipline ngai pawimawh lo tan hlawhtlinna a awmlo tih hria se ka duh takzet a ni. Nu leh Pa te zah kawngah Zirlaite chuan in zirna tur tamtak kan nei a, kan nu leh kan pa te chu lei a kan hmuhtheih kan Pathian an ni.” a ti.

Pu B.Vanlaltana chuan, “Zirlaite chu Lehkha kan zirlaiin Internet kan hman thiam a ngai a, khawvel hmasawnna internet te hi kan zirlai tana tangkai turin kan hmang thiam tur a ni a. Kan zirlai kan zawh hnuah Sorkar hna kan thawk emaw Politician kan ni emaw eng hna pawh thawk ila, chhawr tlak zirlai chhuanawm ni turin leh he ram tana Fahrin man hla ni ngei turin ka duh che u. “ a ti bawk.

MZP Inter High School Quiz 2017 hi ni 27th November, 2017 zan atangin Ignite Studio-Khatla-ah zantin in elna neih thin a ni ang. Zonet Cable Television ah Live Telecast a pekchhuah thin a ni ang.

(H.LALTHIANGHLIMA)
Asst. General Secretary