MZP PRESS RELEASE

        Vawiin ni 22nd May 2019 chawhnu dar 3:30 khan MZP hruiatute chuan Pu Zoramthanga Chief Minister chu a Pisa-ah hmuh a ni a, Chief Minister hnenah hian Zoram Medical College(ZMC)/MIMER chungchang te, Mizoram-Assam Boundary chungchang te, Mizoram Youth Commission chungchang te, Lokayukta chungchang te, Zohnam inkhawmpui chungchang leh Remna Ni ropui taka lawm dan tur chungchang te sawipui a ni. MZP hruaitute hi President L. Ramdinliana Renthlei in a ho a ni.



MZP hruaitute chuan Zoram Medical College(ZMC) chungchang sawiin, 'India rama Medical College te hi Medical Council of India(MCI) hnuaia awm vek an ni a, Medical Council of India(MCI) hian India rama Medical College te hi permission a pe in a cancel thei a. Medical Council of India(MCI) beisei ang leh duh dan phak lo college te chu an permission tih tawp sak thin an ni a, chuvangin Medical College te hi thu neihna hran(Autonomy) neiin society anga siam thin an ni a. Mizoram ina kan Medical College  neih ve chhun pawh hi Society hnuaia awm a, amah a inrelbawlna hrang neia awm tura ruahman fel a ni tawh a. Amaherawh chu mithen khat thuneihna nei ve duh mi tlem tein tunah hian he dinhmun hi duh lovin zirchianna te an nei niin kan lo hria a, Medical Council of India(MCI) duh dan tihlawhtling tur hian hun tiam nei a thil tih ngai tam tak a awm thin avangin Society anga a nihna ang taka function thuai hi kan Medical College tan a tha tur a ni a. Zoram Medical College hian nikum 2018 khan Medical Council of India(MCI) atangin Letter of Permission kan hmu a,  Zoram Medical College(ZMC) Mizoram in kan Medical College neih chhun hi mahni a inrelbawlna hrang, thuneihna hran(Autonomy) nei a nih loh chuan hnatawh a muangin file kal chhung te pawh a rei thin hle a, kan Medical College hi thuneihna hran(Autonomy) nei a nih chuan hnatawh te pawh awlsam takin a tih zung zung theih dawn a, a hun chhungin hun khawhral lovin hna pawh chak takin a thawk thei dawn a ni. Chuvangin kan Medical College hi changtlung tak leh rintlak a nih theih nan leh chak taka hnatawh a nih theih nan thu neihna hran(Autonomy)nei a dah a nih theih nana hma min laksak tura ngen a ni a', Chief Minister Pu Zoramthanga chuan thu neihna hran(Autonomy) chungchangah hian Sorkar in thutlukna a la siam lo a, kan la ngaihtuahin kan la zirchiang mek a, Mizoram in Medical College tha ber kan neih hi kan duh dan a ni a, chumi tur chuan kan inbuatsaih mek a ni, a ti.

MZP hruaitute chuan Mizoram leh Assam ramri chinfel thuai a nih theih nana hmalak sak turin an ngen a, Chief Minister Pu Zoramthanga chuan Chief Minister ho ngeiin, Home Minister te nen meeting kan nei thuai dawn a nia, ramri hi chu kan ngai pawimawh khawp mai a ti bawk a ni.

MZP hruaitute chuan, Mizoram Youth Commission(MYC) chungchang sawipui in Mizoram Youth Commission(MYC) chu Mizo thalai ten an tangkaipui thute, hna hmuh nan leh eizawn nan thalai thahnem takin an hman tawh thu te, Mizo zirlaite tana tangkai tak a nih thute leh MYC chu tunah hian Chairman nei lo a an awm thu te an sawipui a. Mizoram Youth Commission(MYC) chu chak taka kalpui a nih theih nan leh hna chak taka a thawh theih nana hma laksak tura ngen a ni a. Chief Minister Pu Zoramthanga chuan Election Code of Conduct zawh vela MYC Chairman hi kan ruat nghal dawn a, MYC chak tak din tumin ruahmanna kan kalpui mek a ni, a ti

MZP hruaitute chuan, The Mizoram Lokayukta chungchang an sawipui bawk a, Lokayukta dan in a sawi anga a taka a function theih nan chak taka hma la tura ngen a ni a, Chief Minister Pu Zoramthanga chuan Lokayukta chak tak din kan tum a, atul angin Lokayukta hi kan thuam chak zel dawn a ni, a ti bawk.

                    Sd/-
(LALNUNMAWIA PAUTU)
       General secretary