PRESS RELEASE

Vawin ni 16th May,2019(Ningani) chhun dar 12:00 khan MZP General headquarters executive meeting neiha ni. Tv. L. Ramdinliana Renthlei, President chuan kaihruaiin, Mizoram Youth Commission(MYC), Mizoram leh Assam ramri, Consultation meeting(Lok Ayukta), MZP rorelna sang Federal Council Sitting thurel bawh zui dan tur leh HSLC top ten Mizo tlingte chawimawina hun thlir letna neih a ni.
Meeting ah hian Mizoram-Assam boundary a harsatna chungchang sawi a ni a, MZP chuan Mizoram kan chan belh zel loh nan leh kan pi leh pu te luahchin ram Mizoram chin humhalh a, kan neih let leh ngei theih nan hmalak chhunzawm zel ni se tha kan ti a. Inner Line Reserve Forest Area 509 Sq Miles hi Mizoram chhung ngei a ni tih Mizoram mipui hriatah MZP chuan kan sawi nawn leh a, Inner Line Reserve Forest Area 509 Sq Miles hi kan neih let leh ngei theih nan chak taka hma la turin Mizoram Sorkar chu kan ngen nawn leh a ni. Kum 2018 khan MZP te hmalakna avangin Central sorkar auh ei a ni tawh a, Central Sorkar kaihhruaina hnuaiah Mizoram leh Assam te nen meeting neih thin a ni a, Inner Line Reserve Forest Area 509 Sq Miles chhunga dan lo a awm building leh huan leh ram te enfiah nise tih a ni a, hmun engamawzat enfiah a ni tawh a, Phaisen area enfiah a nih dawnin kan duh dan a in an loh avangin chhunzawm theih a ni ta rih lo a. Central Sorkar hotu ten Mizoram team lam chu in Sorkar hotute nen in ram chin a in pawm han sawi fel ula min lo hrilh leh anga kan inbe leh dawn a nia an ti a, tun thlengin Mizoram Sorkar chuan kan ramri chin hi chiang takin a la sawi thei ta lo a, Mizoram Sorkar kutah kan ramri buai chungchang chu a tawp ta rih a ni. MZP chu a dinna ngaiah a la ding reng a Zofate Chawlhbuk sak a nih theih nan hma a lak chhunzawm zel dawn a, Zofate Chawlhbuk sak a buaina siam ngawr ngawr hi MZP duh dan a ni bik lo a Zofate Chawlhbuk sak hmang hian Mizoram Sorkar auh ei kan tum mai zawk a ni. 
Tin, Inner Line Reserve Forest Area 509 Sq Miles chhung hi a tu mah mah in khawih rih loh ni se(Status Qua maintain) tih a ni a, Mizoram lam chuan kan zawm tha hle a, he tih lai hian Assam lam chuan School building te cement concrete in an lo sa thar leh tawh a, Lo te vat in, huan thahnem tak an lo siam leh hman tawh a, Inner Line Reserve Forest Area 509 Sq Miles chhunga Assam Police outpost pawh thiah a la ni lo a ni. Assam lam hmalakna kan ngai mawh loh em em lai a MZP in Site Banner te reuh te kan tar an haw em em si hi hriatthiam har kan ti hle a, Assam School Building sak thar te, an lo neih zawng zawng te leh an huan siam zawng zawng te hi ngai pawimawh a, thiah a nih ve theih nana hma la nghal turin thuneitute MZP chuan a ngen a ni. MZP hmalakna avanga harsatna tawk an lo awm a nih chuan hriatthiamna kan ngen a, Assam-Mizoram boundary chungchang hi mimal hamthatna tur atan leh Political advantage a lo lakna chi a ni lo a Mizo mipuite kan zavaia kan tanrualna tur a nih angin Mizo mipui zawng zawngte tangrual vek turin MZP chuan kan sawm a ni.    
Meeting chuan, ‘‘Kum 2008 a din tawh MYC chu Mizo thalai tam takin hnahmuh nan leh eizawn nan hmanga’n awm tawh chu lawmawm a ti a. Chutih rualin tunhnaiah MYC chu hnathawk thei lo in a awm chu pawi a ti a. Mizo thalaite hmakhaw ngaia hnathawk thei tura Chairman te pawh ruatfel vat turin sorkar thuneitute MZP chuan angen’’ a ni.
Meeting chuan, ‘‘MZP ten Kum 2012 atanga eirukna leh hlemhle te hrem theihna leh chhuitu tur LOK AYUKTA din ve tura sorkar a rawtna leh ngenna vawi tam tak thlen anih hnuah. Hlawhtlinna hmuin office hial neiin thawktu tur pawh laka’n ni tawh chu MZP chuan lawmawm a ti a. Amaherawhchu he dan tha tak hnathawk theilo ala awm chu MZP chuan a ngaipawimawh hle a, rang taka hnathawk thei turin thu neitute angen nghal a. Ni 17th May,2019(Zirtawpni) chhun dar 12:00 ah All Political Party,NGO, Mizoram Journalist Association(MJA), Mizoram Bar Association(MBA) leh sawm bikte nen MZP conference hall-ah consultation meeting neih hoa’n rel’’ a ni.
Meeting chuan, ‘‘MZP rorelna sang Federal Council Sitting-a an lo rel tawh pawl hmalakna tur leh bawhzui dan tur te sawiho anih bakah committee te siama ni a. Kum 2019 HSLC pass tharte chawimawina hun hman zawh tak chu a hlawhtlingin lawmawm hle a, chhunzawm zel nise tiin,’’  an rel a ni.


(LALNUNMAWIA PAUTU)
General Secretary