MZP rorelna sang MZP Federal Council Sitting-in a lo rel tawh angin MZP chuan kum 1986 June ni 30 a India leh MNF te inremna ziah champhaphak chu Mizoram pumah ropui taka hman leh nise tih a ni a. June ni 30, 2019 hi Pathianni a nih avangin Ni 28th June, 2019(Zirtawpni) hian a lawmna pui ber chu Aizawl Sipai Lammual-ah zirlai zawng zawng nen ropui taka hman tum a ni a. Hemi chungchang ah hian vawiin Ni 29th May 2019 chawhnu dar 1:00 khan MZP hruaitute leh Teacher Association hrang hrang ten MZP Pisapui-ah meeting an nei a, Meeting hi L.Ramdinliana Renthlei MZP President in a kaihruai a, meeting ah hian Teacher Association aiawh an kalkim thei a ni. 



Meeting ah hian Remna Ni hi lungrual taka hman ho tha tih a ni a, zirtirtu leh zirlaite tih tur a awm chuan Teacher Association hrang hrang te chuan theihtawp an lo chhuah ve tur thu te, Remna Ni a hu ho a hmang tura MZP in hma a lakna chu lawmawm an tih thu te, remna leh muanna hlutzia zirlaite a hriattir a pawimawh thu te leh Remna Ni hlawhtling taka hman a nih theih nan theihtawp lo chhuah an in huam thu te an sawi a ni. Remna hlutzia te, remna leh muanna hnuaia awm nawmzia thangthar ten kan hriat zel hi MZP chuan a duhdan a ni a. Remna Ni lawm tur hian Political Party hrang hrang, tlawmngai pawl hrang hrang, Mizo zirlai zawng zawng leh Mizo mipuite min hlutpui turin leh kan ram leh hnam kal zel tur atana nghawng tha tak a neih theih nan Remna Ni lawmna nei tur hian MZP chuan mitin a sawm nghal a ni.

              Sd/-
(H.LALTHIANGHLIMA)
Asst. General Secretary