*PRESS RELEASE*
_________________________________

Central Young Lai  Association(CYLA) chuan an pawl inkhawmpui rorel bawhzuiin Lawngtlai District huam chhungah Local Area Population Census 2019 an kalpui a. Hetih lai hian Chakma khaw thenkhat an chhiar laiin Young Chakma Association(YCA) ten CYLA in chhiarpui an nei hi duh loin Lawngtlai DC hnenah titawp tura ngenna lehkha an siam hi MZP chuan na a ti hle a. Hemi chhiarpui neih Chakma in an duh loh atang hian Chakma foreigner Mizoramah an tam zia a ti lang chiang hle ah MZP chuan a ngai a ni. Kan ram chhunga dan loa lo pem lutte hi an pung chak em em a, danlo a lo lutte dap chhuah kawngah hian Zofate hi kan harh a hun in, kan tanrual hi a ngai tawh tak zet a ni tih MZP chuan a tarlang nawn leh a, dan loa Mizoram atanga Chakma lo pem lutte thawn haw an nih theih nan chak taka hma la turin MZP chuan Mizoram sawrkar thuneitute a ngen nghal bawk a ni.

MZP chuan CYLA ten Lawngtlai District huamchhunga Local Area Population Census 2019 an nei hi lawmawm a ti hle a, Young Chakma Association(YCA) ten ni 3 June,2019 a Lawngtlai DC hnenah titawp tura ngenna lehkha an pek bakah, Sawrkar laipui hnena hekna thlen an tum mek chu MZP chuan YCA chu a dem tak meuh a, Lawngtlai DC hnena an lehkha thehluh pawh hi a rang thei ang bera hnukkir leh turin YCA te chu a hriattir nghal a ni. CYLA te hmalakna chu MZP chuan a tawp thlengin a thlawp tlat dawn a, CYLA te hi puih an ngaih chuan engtik hunah pawh MZP chu a inpeih reng a ni.

MZP chuan kum 2018 March ni 10 a MZP in Bairabi Zophai hmuna Zofate Chawlhbuk sak a tum nĂ­ a, Mizo zirlaite, Assam Police ten an tih buai laia Mizo chanchinbu mi te dimna tel miah lo leh chanchinbu mi an ni tih hre reng chunga Assam Police in kut an thlak avanga Mizoram Journalist Association(MJA) in Human Rights Commission lama complain a theh luh chu ni 17th june 2019 hian Mizo chanchinbu mi hliam tuarte kha Commissioner, Barak Valley Division, Housefed Complex, Dispur, Guwahati ah inlan tura tih a ni a. Mizo chanchinbu mite inlan tura tih an nih ang hian an kal dawn niin kan lo hria a, hei hi MZP chuan chhuan awm a ti hle a. Mizo chanchinbu mite hnungah MZP chu a ding reng a ni tih kan sawi nawn leh a, buaina leh harsatna an nei a nih chuan MZP chuan puih a in huam reng a, kan ram leh hnam tana ding tur an nih avangin Mizoram sorkar pawh hian Mizo chanchinbu mite hi atul ang apiang leh puih an ngaihna apiang ah lo buaipui turin MZP chuan a ngen nghal bawk a ni.



               Sd/-
(LALNUNMAWIA PAUTU)
     General Secretary