PRESS RELEASE
No. E-93/MZP-GHQ/2017-19/135 Dated Aizawl, the 31st July, 2019
No. E-93/MZP-GHQ/2017-19/135 Dated Aizawl, the 31st July, 2019
Vawiin ni 31st July, 2019(Nilaini) chhun dar 12:00 khan MZP Executive committee meeting neih a ni a, Meeting-ah hian The Mizoram Maintenance Of Household Registers Bill, 2019 chungchang, Mizoram leh Assam ramri chungchang leh MZP rorelna sang Federal Council Sitting neih hun chungchang te rel a ni. Meeting hi Tv. L. Ramdinliana Renthlei, President-in a kaihruai a ni.
Meeting chuan MZP ten ramri chungchangah nasa taka hma a lak tawh hnuah pawh tun thlenga Mizoram Sorkarin hmalakna mumal leh Core Committee pawhin meeting a la ko lo chu Mizo mipuite leh zirlaite hmuhsitnaah kan ngai a. Ni 19th July 2019 a ‘Ram Chhan Kawng zawh’ neih hnuah pawh a taka Mizoram Sawrkar hmalakna hmuh tur la awm lo chu MZP chuan na a ti tak zet a. Tuna Mizoram leh Assam ramri chinfel kawngah hian Central Sorkar auh ei chawp a ngai lo a, inbiakna kal zelah hian Mizoram Sorkar kuta thutawp a awm a ni. MZP chuan Mizoram Sawrkar chu chak taka hmala turin a ngen nawn leh a, hma lakna mumal a awm lo a nih chuan Total Band huaihawt nise tiin rel a ni.
Meeting chuan dan lova Mizorama lut rua inbengbelte lakah Mizoram a him theih na atan hnathawhna tur Mizoram Maintenance of Household Registers Bill 2019 chu hman theih a nih hun a nghakhlel hle a, pawm thuai turin Mizoram Governor Prof. Jagdish Mukhi a ngen a ni. Nikum lamah foreigner laka an him nan Assam-in National Register of Citizens (NRC) an hman khan MZP chuan rualawt takin hetiang hi Mizoramin nei ve ila tiin a lo aupui tawh thin a, kuminah Sorkarin chutiang dan chu siam a tum ta a, March ni 19, 2019 khan Mizoram Assembly chuan Mizoram Maintenance of Household Registers Bill, 2019 a pass ta a ni. Mahse vawiin thlengin larsap-in he Bill hi assent a la pe lo hi pawi kan tiin mak kan ti a, Mizoramin a mamawh tih hriaa assent pe thuai turin MZP chuan Governor Prof. Jagdish Mukhi a ngen a ni.

Meeting chuan MZP rorelna sang Federal Council Sitting chu ni 10th September 2019-ah Aizawl ah neih nise tih a ni bawk a ni.
(LALRUATFELA)
Secretary. i/c. Publicity
(LALRUATFELA)
Secretary. i/c. Publicity
0 Comments