MZP PRESS RELEASE

Nimin 31st July 2019 khan MZP chuan Mizoram University (MZU) hnuaia Teaching leh Non-Teaching post  hrang hrang lak chungchangah Mizoram University (MZU) thuneitute an dawr a, Vice Chancellor a lo zin avangin Registrar Prof. Nundanga chu a Pisa-ah an kawm a ni. Mizoram University (MZU) hnuaia hna hrang hrang Teaching leh Non-Teaching post lak thin ah hian a thiam leh tling an awm a nih chuan a ram leilungfa Mizo te duhsak an nih theih nana hma la turin MZP chuan Mizoram University (MZU) thuneitute an ngen a, Vice Chancellor hi lehkha pek nghal a ni bawk a ni.

MZP in Mizoram University (MZU) Vice Chancellor lehkha kan pek ah hian ti hian ziah lan a ni.
"MZP hi Mizoram chhunga zirlai pawl lian ber leh Mizoram chhunga pressure group lian ber a ni a. MZP chu Mizo zirlaite tana ding a nih angin Mizo zirlaite tan chuan theihtawp chhuahin hma a la thin a. Mizo zirlaite leh Mizo thalaite chanvo nasa taka humhalhin hma nasa takin a la thin a ni. Tin, Mizoram leh hnam tan chuan theihtawp chhuahin hma a la thin a, Mizo hnam tan chuan a thikthu pawh a ti chhe hle thin a ni.

Mizoram University (MZU) hnuaiah hian Teaching & Non-Teaching post thahnem tak lak a ni thin a, tun hma chuan a thiam leh tling awmna ah chuan Mizo duhsak bik an ni thin a. Hun a lo kal deuh a Mizoram University (MZU) ah hian Mizo ni lo hnamdang thawktu an lo thahnem tial tial a, a thuneitu sang lam pawh an lo awm ve ta zel a, kan hriat danin thiamna in ang leh nihna in ang ah pawh Mizo thalaiten Mizoram University (MZU) hnuaiah hian hna kan hmu lo ta fo mai a, hei hi MZP chuan tha lo a ti hle a ni. Thiamna in ang leh nihna in ang ah chuan Mizo a ram leilung fa lo duhsak turin kan ngen che a, Non-Teaching Staff ah phei chuan Mizo a ram leilung fa nilo chu Mizoram University (MZU) hnuaia hna lo pe tawh lo turin kan ngen che a ni.
MZP duh dan anga hnalak hi a kal lo a nih chuan MZP chuan hma a la nghal zel dawn a, a ram leilung fa Mizo nilo lak an nih chuan an hna an zawm theih loh nan hma kan la dawn a ni."

MZP in Mizoram University (MZU) Vice Chancellor hnena an lehkha thehluh copy hi Registrar Mizoram University (MZU), Dean School of Economics Management and Information Science, Dean School of Education and Humanities, Dean School of Social Science, Dean School of Life Science, Dean School of Earht Science, Dean School of Physical Science, Dean School of Physical Science, Dean School Engineering, Dean School of Fine Art & Architecture leh Principal Pachhunga University College te pek an nih bakah Head of Department Mizoram University theuh te pek tel nghal an ni bawk a ni.

Sd/-
(LALRUATFELA)
Secretary I/c Publicity