Mizo Zirlai Pawl
General Headquarters
Aizawl : Mizoram

No. E-93/MZP - GHQ/2019 - 21/4 Dated Aizawl the 25th November 2019

PRESS RELEASE

AYUSH MZP Inter High School Quiz, 2019 Fixture Draw neih a ni

Vawiin ni 25th November,2019 (thawhtanni) chawhnu dar 1:00 khan MZP Conference hall-ah MZP leh AYUSH National Mission, Mizoram tangkawpin a buatsaih MZP Inter high School Quiz 2019 fixture Draw neih a ni a, he hun hi Pu Chinkhanmanga Thomte, Finance Secretary chuan kaihruaiin, Tv. Jacob Lalmuanpuia Asst. General Secretary leh Organising Secretary  chuan Fixture Draw hi a kaihruai a, Pu Peter Chhangte, Vice President leh Organising Chairman hnen atangin thusawi ngaihthlak a ni bawk.

He hun a thusawitu MZP General Headquarters Vice President leh Organising Chairman ni bawk chuan MZP chuan "Inter High School Quiz hi Kum 2010 aṭanga  chhum lo chat lo a kalpui a nih thu leh, buatsaih a nih chhan ber chu zirlai ten an zirna piah lam a kawng hrang hrang a hmasawnna an neih nan a nih thu a sawi a. Kum dang a an buatsaih ṭhin chuan rah duhawm tak chhuahin MBSE result ah topper an nih fo thin thu leh kumin a tel te pawh an Board Exam result thleng in MZP chuan a enzui dawn" a ni a ti.

Vice President chuan sawi chhunzawmin he in elna hi thianghlim taka kalpui a nih tur thu leh School hrang hrang te ṭha tak a thawk ho a, Quiz hlawhtling tak neihpui ah a sawm a ni.

MZP Inter High School Quiz,2019-ah hian School sawm pahnih(12) an tel dawn a, chungte chu:

 1) Royal Standard School,
 Bungkawn Aizawl

2) Mount Carmel School,
 Chaltlang, Aizawl

3) Govt. Mizo H/S
 Mc.Donald Hill

4) Springfield Hr. Sec. School
 Republic Veng, Aizawl

5) Living Water School
 Mission Vengthlang, Aizawl

6) Neuhof English Medium School
 Chanmari, Aizawl

7) Sihphir Venghlun H/S,
 Sihphir Venghlun

8) Kids Care School,
Ramhlun South, Aizawl

9) St.Pauls Hr.Sec School,
Monfort Hills, Tlangnuam

10) St. Joseph Hr. Sec. School,
Ramhlun North, Aizawl

11) Adventist English School,
Lunglei

12) Brighter HSS, Kulikawn

Intihsiaknaa tel turte hi Group li(4) ah then niin group khat (1)ah School pathum (3) zel an awm a, Group tina pakhatna leh Best looser pahnih(2) ten Semi-final an lut nghal dawn ani. Intihsiakna hi ni 25th November, 2019 (Thawtanni) zan dar 8:00-ah tan ani anga,  ni 28th November 2019 (Ningani) ah final a ni ang, AYUSH MZP Inter High School Quiz hi ZONET Cable TV leh LPS-ah te LIVE a pekchhuah a ni bawk ang.

Vawiin vek khan MZP General Headquarters hruaitute sawmna angin Mizoram Journalists' Association (MJA) General Headquarters. hruaitute leh MZP hruaitute chu MZP President Room,  Treasury Square, Aizawl-ah an inkawm a, inhmelhriatna neih pahin hmalakna atana pawimawh leh vei zawng chi hrang hrang inpawh tlang taka sawiho a ni.

He inkawmkhawmna kaihruaitu MZP President, B. Vanlaltana chuan MZP hruaitute chu inthlang thar hlim hlawt an nih angin inhmelhriatna leh thawhho zelna atan inkawmkhawm hi huaihawt an ni tih a sawi a. 

MZP President chuan "Mizo Zirlaite Central Service ah tling kan awm tlem ta lutuk chu veiawm a tih thu te, Mizo thalai a tam zawk Central Service a kan luh theih nan nasa zawk a hma lak ho dan tur chungchang" te a sawi bawk a ni.

"Aia upa zahna leh Zonun zemawi inzirtir thar leh a tul zia te, hemi chungchangah hian MZP in rampum huap Awareness Campaign neih a tum thu te, Tuikuk leh Chakma chungchang pawh awmze nei zawk hmalak tha an tih thu te leh Mizoram - Assam ramri chungchang pawh awmze nei leh chak zawk a MZP in hmalak chhunzawm zel a tum thu" a sawi bawk a ni. 

MJA hruaitute pawhin Ram leh Hnam tan a tha turah chuan thawhho zel an inhuam thu an sawi bawk a. MJA hruaitute hi Pu Zonunsanga Khiangte President in a ho a ni.

              Sd/-
    (LALTHAKIMA)
Secretary I/c Publicity