No. E-93/MZP-GHQ/2019-2021/2
Dated Aizawl, the 18th November, 2019

PRESS RELEASE

Vawiin November ni 18, 2019 (Thawhtanni) Chawhma dar 11:00 khan MZP Executive Meeting neih a ni a, Meeting hi Pu B. Vanlaltana, President in kaihruaiin, Meeting-ah hian MZP Appointed Secretary ruat chungchang te, MZP Inter-High School Quiz 2019 leh MZP Assembly 2019 rorel bawhzui chungchang te rel a ni. 
Meeting chuan MZP Inter-High School Quiz 2019 chu kum danga neih thin a nih  angin neih leh ni se tha a ti a. Mizoram chhunga High School zawng zawng chu lo tel turin MZP General Headquarters chuan a sawm a. MZP Rorelna sang Assembly in a lo pass tawh  “Mizoram leh Assam ramri chinfel anih theih nan MZP in hma a lak mek hi chak lehzuala hmalak chhunzawm ni rawh se”, tih chu ruahmanna tha tak siamin Mizoram sorkar ah na zawka nawr nise a ti.





Meeting chuan Appointed Secretaries heng a hnuaia mi 10 (sawm) te hi a ruat an ni :  

1.  Lalvansanga Pautu - Secretary i/c Establishment
2.  Sanghmingthanga - Secretary i/c Sports
3.  Ricky Lalchhandama - Secretary i/c Higher Education
4.  Lalruatfela - Secretary i/c Social & Culture
5. V. L Muansanga - Secretary i/c Information
6. R. Lalkhawngaiha - Secretary i/c External Affairs
7.  Lalthakima - Secretary i/c Publicity
8.  Lalhmangaihzuala - Secretary i/c School Education
9.  Lalhuapliana - Secretary i/c Organisation
10.  Lalduhkima - Secretary i/c Property & Library

Vawiin vek hian India Parliament thlasik thutkhawmin Citizenship Amendment Bill tharthawh leh a tum duh lohna North East State hmun hrang hrangah NESO hmalakna in dodalna a ruala neih a ni. Mizoramah pawh MZP bultumin Vanapa hall kawtah *Sit-in Protest* neih a ni. He hun hi Pu Peter chhangte, Vice President chuan a kaihruai a, Pu Lalnunmawia Pautu, General Secretary chuan MZP leh NESO ten Citizenship Amendment Bill a tir atanga dodalna kawng hrang hrang report a pe a. Pu B. Vanlaltana, President leh Pu Ricky Lalbiakmawia, NESO Finance Secretary ten thu an sawi. *Sit-in Protest* neih zawh anih hnu hian Governor hnenah Memorandum thehluh nghal a ni.
He huna thusawitu President chuan, “Citizenship Amendment Bill hi North East mi te mai ni lo Zofate tan a him lo em em a. He bill pass tum anih dodal nana Republic Day Boycott tum anih lai a Mizoram sorkarin a intiam tawh ang ngeiin a tihtur ti ve turin a ngenin a phut nghal bawk a. Central BJP Sorkar hian he Bill hi a pass lui anih chuan Mizo thalai ten kan tihtur kan ti ve ang," a ti bawk a ni.
NESO Finance Secretary chuan “Citizenship Amendment Bill chu Hindu sakhua duhsak bikna bill a ni a. Kristiante nek chep tumna hmanrua anih avangin he bill hi a hlauhawm hle a, ‘North East State’ hi duh loh paih khawmna hmun atan emaw Sakhua duhsak bik dahkhawm nana hman kan phal lo a, he Bill hi NESO chuan a tawp thlengin a dodal zel dawn a ni a ti a. Tunhma a Mizoram Chief Minister in a lo dodal thin na chu fakin, tunah hian hma a la chhunzawm dawn em tih chu North East mipuiten kan thlir mek a, mahni Party leh mimal hamthatna dah tha a Ram leh Hnam himna turin he Bill hi min dopui turin kan ngen a ni.” a ti bawk. 


                 Sd/-
(JACOB LALMUANPUIA)
 Asst. General Secretary