No. E-93/MZP-GHQ/2017-19/135       Dated Aizawl, the 5th  September, 2019

Vawiin 5th September,2019(Ningani) chawhnu dar 1:00 khan MZP buatsaihin Central YMA hall-ah ‘Zitirtute Ni’ lawmna hun neih a ni. Hemi rual hian State leh National Awardee mi 7 te hnenah lawmpuina thuziak hlan an ni bawk. Zirtirtute Ni lawmna hun hi Pu B. Vanlaltana, Vice President chuan a kaihruai a, Khuallian Pu Lalruatkima, Hon’ble Minister leh Tv. L. Ramdinliana Renthlei  ten thu an sawi a ni.

He huna thusawitu L. Ramdinliana Renthlei MZP President chuan, "Vawiin Zirtirtute Niah hian MZP chuan thinlung takin zirtirtu zawng zawngte duhsakna a hlan thar leh a, an hmalam hun lo kal zel turah Mizoram leh zirlaite tana thahnem ngai taka an thawh zel leh malsawmna an dawn zel kan duhpui tak zet a ni. Zirtirtute chu ram leh hnam siam thatna fawng pawimawh tak vuantute an ni a. Ram leh Hnam rohlu chu Zirtirtute hi an ni. Vawiin a kan hmasawnna hrang hrangte hi kan zirtirtute vang a kan neih a ni a, Zirlaibu chuan hriatna min pe ngei mai a, thiamna tak tak erawh chu keimahni kutah a awm a ni tih vawiina zirlaite hian kan hriat thar a pawimawh khawp mai. Tun a zirlai zawng zawngte hi nakina ram hruaitu tur leh kohhran, khawtlang leh ram tana mi tangkai tak tak la ni tur te kan ni a, chumi atana min siam puitlingtute chu kan zirtirtute hi an ni tih hre reng tur leh Zirlaiten, kan zirtirtirtute kan ngaihhluta kan zah deuh deuh hi MZP chuan a duhin a beisei tlat a ni." a ti
Khuallian Pu Lalruatkima Hon'ble Minister of State chuan, ‘‘Mihring hian finna leh thiamna kan neihloh chuan hlutna kan nei lo. Kan hlutna leh mawina minpe tu chu zirtirtute an ni. Naupangte pawhin an zirtirtute tih dan leh nunphung entawnin mahni in lamah pawh nun an hmang thin a, chumi a nih avang chuan zirtirtute pawhin an pawimawhna hria a naupang enkawlna kawngah pawh fimkhur leh zual a, entawn tlak an nih zel a beisei thu’’ a sawi a ni. ‘ ‘Zirtirtu chawimawite pawh an thlen china lungawi mai lo va an thiamna leh finna chu tangkai taka hmang chhunzawm turin leh zirlai naupang tam tak chherchhuak zel turin ka ngen che u a ni.’’ a ti.

MZP chuan zirtirtute Ni pual hian State leh National Awardee 7 te a chawimawi nghal a ni.

STATE AWARDEE :
1. Pi Rochami, Headmistress, Rev. Thiang, Primary School, Bethlehem Vengthlang
2. Pu Lalpiangthara, Headmaster, Govt. Chaltlanga, Middle School,Aizawl.
3. Pu Lalchhuanmawia, Hindi Teacher, Govt. Zemabawk, Middle School, Aizawl
4. Pu Rosiamhnuna, Headmaster, Govt. Chaltlang, High School, Aizawl
5. Pu H. Lalrinchhana, Headmaster, Govt. Tlungvel, Primary School-2
NATIONAL AWARDEE :
1. Pu GS. Zaithantluanga, Headmaster, Govt. Diakkawn High School, Kolasib
2. Pu Jayanta Nath Maji, Headmaster, Keifang High School


Sd/-

(LALNUNMAWIA PAUTU)
General Secretary