PRESS RELEASE


Vawiin 2nd September 2019 hian MZP chuan kum tin a lo tih thin dan angin, “Mizo zirlaite tan hnamdang Nupui/Pasal nei lo tura inzirtirna leh intiamkamna Ni ” chu Aizawl school hrang hrangah insem darhin Mizo zirlaite tan hnamdang nupui/pasal nei lo tura inzirtirna leh intiamkamna hun hman a ni a. Hnamdang nupui/pasal nei lo tura inzirtirna leh intiamkamna hun hi MZP chuan kum 2015 atang khan kum tin 2nd September hian a hmang thin a. Aizawl khawpui chhung school thahnem taka hun hman a ni a, he hun hi zirlaite leh zirtirtu ten an hlut hle a ni.


Hnamdang nupui/pasal neilo tura zirlaite zirtirna leh intiamkamna Ni ah hian MZP hruaitute chuan School hrang hrang an tlawh kual a. School hrang hrang tlawhkual a thusawitu MZP President L. Ramdinliana Renthlei chuan, "Kawppui atana mahni hnam pui ngei te neih hi ram leh hnam humhalhna kawng pawimawh tak a ni a. Mizote chu hnam tlem leh humhalh ngai kan nih avangin ram leh hnam humhalh kawngah thikthu kan tihchhiat telh telh a ngai a. Hnamdang nupui pasala neite chu Mizo hnam phatsantu leh ram leilung fate chanvo chuhpui thei a hnamdang siamtute an nih avangin, Mizo zirlaite leh thalaite chu mahni hnam pui te ngei nupui pasal atana neih duhna thinlung pu tlat turin MZP chuan Mizo zirlai zawng zawng te kan sawm che u a ni."a ti a. L. Ramdinliana Renthlei chuan, "Kan Mizo Customary law Mizo hnam danah chuan Mizo hmeichhia in hnamdang pasala a neih chuan hnamdang chhungkuaah a lut a ngaih a ni a, hemi a nih avang hian Mizo nula ten hnamdang kan neih chuan kan hnam kha kan kalsan a ni tawh a, kan Mizo na kha kan hlauh tihna a ni a. Mizo kan nih anga kan hamthatna zawng zawng kha kan nei thei tawh lo a ni."a ti bawk.


MZP in a buatsaih hnamdang nupui/pasal nei lo tura inzirtirna hun leh intiamkamna ni hi Mizoram hmun hrang hrang ah MZP bultumin neih a ni a, Mizo zirlaiten an hlut hle a, Mizo zirlaite zingah hnamdang nupui/pasal nei lo tura intiam zirlai thahnem tak an awm a, hnamdang nupui/pasal nei lo tura intiam Mizo zirlaite chungah lawmthu kan sawi a ni. MZP chuan hnamdang nupui/pasal nei lo tura inzirtirna hun tha tak min lo siamsak tu school hrang hrang thuneitute chungah thinlung takin lawmthu a sawi tak meuh a ni.




Sd/-
(LALRUATFELA)
Secretary I/c Publicity