No. E-93/MZP-GHQ/2021-2023/06               Dated, Aizawl, the 9th December, 2021

PRESS RELEASE



Vawiin December 9, 2021 Zirtawpni hian North  East Students Organisation (NESO) bul tumin, India sipaiten Nagaland Mon distrtict-a pawisawi lo an pawng kah avanga thi te sunna leh Armed Forces Special Power Act (AFSPA) 1958 duh lohna lantir nan North East state hrang hrangah hun hman a ni a. Mizoram-ah pawh Mizo Zirlai Pawl (MZP) bul tumin MZP conference Hall, Aizawl-ah hun hman ve a ni.


He hun hi MZP General Headquarters Vice President Pu Andrew F Lalramnghaka'n a kaihruai a, MZP president Lalnunmawia Pautu leh NESO finance secretary Ricky Lalbiakmawia te'n thu sawiin, nunna chante sunna hun hman a ni.

He huna thusawitu MZP president Pu Lalnunmawia Pautu chuan, “December 4-a, sipaite fimkhur loh vanga Nagaland Mon district Oting khuaa pawisawi lo mi 14 in nunna an chan hi MZP chuan pawi a ti a, na a ti takzet a. North East mite hi Central India mite hian min hmusitin min endawng hle a, Mipuite laka sipaite hleihlenna a thlen nawn tawh loh nan AFSPA hlih a nih ngei hi MZP duh dan a ni.” a ti a. North East mipuite him nan leh hleilenna a nawn tawh loh nan AFSPA chungchangah a tul angin hmalak chhunzawm a ni dawn a. Mizoram-ah pawh AFSPA hi hlih a la ni lova, MZP leh NESO chuan AFSPA hi hlih a nih ngei theih nan hma a la zel dawn a ni.”a ti bawk.


NESO Fiance Secretary Pu Ricky Lalbiakmawia chuan, "vawiina kan hun hman ang hi North East State hrang hrangah sunna hun leh AFSPA duh loh zia lantirna hi hman a ni a. Hetiang dan sakei, India state danga hman ve loh North East a hman a ni hi India in min en hran zia leh muanna a duh loh zia a lan chianna a ni.” a ti a. “ India hian a khua leh  tui tak tak anga min en dawn a nih chuan AFPSA hi an hlip ngei tur a ni tih hi MZP leh NESO ngaihdan a ni a. Nagaland-a thil thleng hi a lungchhiatthlak hle a, thleng nawn tawh lo turin kan duh a ni," a ti bawk.

MZP chuan he thil thleng chungchangah hian 23rd Sector Assam Rifle DIG Brig. Digvijay Singh chu a pisa-ah hmuin “Nagaland Mon District-a thil thleng ang hi Mizoramah thleng ve ngai lo tura intiam turin a ngiat a, Tin, North East pumpuia thleng nawn tawh lo tura hma la turin phut a ni bawk a. DIG chuan Mizoramah hetiang thil hi a thlen ngai loh tur thu a lo tiam bakah North East hmun dangah pawh thleng nawn tawh lo turin theihtawp a chhuah tur thu a lo sawi a ni.

India sorkar hian North East mite hi min enhrang lo a, a ram mi leh sa ah anga min ngai tak tak anih chuan he dan AFSPA 1958 hi North East-ah hmang tawh lo turin MZP chuan a duh a. Hman chhunzawm anih chuan MZP in a tawp thlengin a do zel dawn a ni. 




(JACOB LALMUANPUIA)
      General Secretary