MZP PRESS RELEASE
26 January 2023

Nimin Ni 25 January, 2023 (Nilaini) khan Ranglong Youth Association (RYA) buatsaih Ranglong Khawhui Traditional, Cultural & Food Festival vawi 6-na chu Noagang, Joynagar North Tripura-ah hman a ni a. He hun hi Pu Lalnunmawia Pautu, MZP General Headquarters, President chuan khuallian niin a hmanpui. Ranglong Festival-ah hian Tripura, Mizoram, Assam leh hmun hrang hrang aṭangin Ranglong hnam ṭhalai ṭhahnem tak an kalkhawm a ni.








He huna thusawitu khuallian Pu Lalnunmawia Pautu MZP President chuan inpumkhatna chungchang sawiin "Tunhnaiah Zofate chenna hmun Myanmar te, Bangladesh te a buai a. Zofa hmun hrang hrang a mi ten Zofate Jerusalem kan pan khawm mek a. Zofate inpumkhatna MZP in kan aupui ṭhin pawh a takin a thleng ṭan niin kan hria a. Zofate hi eng dinhmunah pawh ding ila kan awmna hmun ṭheuhah rinawm taka awmin, min thlahtute aṭanga kan chhawm zonunzemawi vawng reng turin ka sawm che u a ni" a ti a.

Pu Lalnunmawia Pautu chuan," Ranglong hnam kan unaute hi Tripura ah te, Mizoram leh Assam ah te in awm a. Khawi hmunah pawh harsat mangan tawk ula Ranglong hnam kan unaute tan MZP chu a ding reng dawn a. Zofate hi hnam ropui kan nihzia kan lantir zel dawn a ni" a ti bawk.

Pu Lalnunmawia Pautu, MZP President hian Noagong, Synod Mission Compound tlawhin Synod Mission Compound cheng ₹-2000 a hlan bawk.

Khuallian Pu Lalnunmawia Pautu, MZP President hi MZP General Headquarters hruaitute bakah MZP Headquarters, Mamit Secretary Lalkroshlua, MZP Sub-Headquarters, Kanhmun President Alex Lalhruaizela, Mamit District Village Council Association President Pu Lalropuia leh  Mamit District Ṭhalai Pawl President, Pu Lalthangmawia ten an ṭawiawm a ni.

Sd/-
(JACOB LALMUANPUIA)
General Secretary