No. E-93/MZP-GHQ/2021-2023/83 Dated: Aizawl, the 31st January, 2023


PRESS RELEASE


Mizo Zirlai Pawl (MZP) General Headquarters, Aizawl leh Aizawl khawpui chhunga College SU hruaitute leh Hnam pual zirlai pawl hruaitute chuan vawiin January 31, 2023 tlai dar 3:30 khan MZP Conference Hall-ah MZP-in Mizoram Subordinate Services Selection Board (MSSSB) chairman ban tura sawrkar a ngenna chungchangah Emergency Meeting neih a ni a. Meeting hi MZP President Pu Lalnunmawia Pautu-in a kaihruai.

Meeting chuan, MZP-in thuneitute hnenah January thla chhung ngeia MSSSB chairman thlak tura ngenna lo thlen tawh tihhhlawhtlin a ni lo chu hriatthiam har a ti hle a. Tunhnaia   MSSSB in hna a lakah hnam dang pathum ngawt lak an nia, he thilah hian MSSSB chairman nilai chu a mawhphurtuah leh hnam tana ding tawk loah meeting chuan ngaiin, a kaihhruaina hnuaia MSSSB hna lak awm zel tur chu ram leilung fate tan him tawk loah a ngai a, ban a nih ngei theih nana hmalak rel a ni.

Meeting chuan, naktuk February 1, 2023 hian MSSSB chairman pisa kai tur dan a, Sawrkar atanga hmalakna duhawm a awm loh chuan a tawp thlenga hmalak a rel a ni.

Meeting chuan, hetiang hian hmalak dan tur ruahmanna a siam:

1. February 1, 2023 hian MSSSB chairman pisa kai tur dan
2. Thu dang a la awm loh chuan, February 2, 2023 hian MSSSB chairman pisa kai tur dan chhunzawm tur a ni
3.   MZP-in sawrkar a ngenna a la hlawhtlin loh chuan, February 3 hian Aizawl khawpui chhungah MSSSB chairman ban ngiatin zirlaite kawngzawh huaihawt tur a ni.




(JACOB LALMUANPUIA)
General Secretary