Latest Post

Federal Council vawi 56-na nei

 MZP PRESS RELEASE

Vawiin ni 25 May, 2023 (Ningani) chawhnu dar 1 khan MZP Federal Council Sitting vawi 56-na, 2021 - 2023 term a vawi 3-na chu Mualhawih Huan, Sakawrtuichhun-ah neih a ni a. MZP Federal Council Sitting hi Chairman Pu Andrew F Lalramnghaka, MZP Vice President in a kaihruai a, Pu Sanghmingthanga Treasurer chu Vice Chairman a ni. 

House Leader Pu Lalnunmawia Pautu, MZP President chuan House Address a nei a, "MZP chu kan hruaitu hmasate aṭangin ram leh hnam hmangaih tura inzirtir leh engkima ram leh hnam dah hmasa tura beisei kan nih angin, ramin min mamawhna zawnah ke i pen zel ang u" tiin kalkhawmte a sawm a.  

Tun hnaia Myanmar, Bangladesh leh Manipur buai avanga sa himna zawnga kan unau Mizoram a lo tlante, thlamuang taka awm tur leh an harsatna leh puih an ngaihnaah theihtawp lo chhuah pui theuh turin tlang hrang hrang MZP leh a thawhpui pawl hrang hrangte MZP President chuan a sawm a ni. 

MZP Rorelna sang ber dawttu-ah hian, "Mizo hnam hrang hrang hnam ziarang humhim leh, kan inhriatpawh lehzual theih nan zirlaibua telh turin MZP-in hmalak ni rawh se," tih leh "Kum 2024-ah ZOFEST buatsaih leh ni rawh se" tih chu MZP Assembly 2023 a rel tura pawm a ni. 

MZP Federal Council Sitting-ah hian MZP Headquarters, Sub Headquarters, Branch, Hnampual leh College SU aiawhte an tel.


Sd/-
(CHINKHANMANGA THOMTE)
Assistant General Secretary

• Aizawl, May 25, 2023














.