No. E-93/MZP-GHQ/2021-2023/121       Dated, Aizawl, the 3rd June, 2023


PRESS RELEASE

Mizo Zirlai Pawl (MZP) General Headquarters, Aizawl, Zo Event Management leh Active Sound tangkawp chuan vawiin June 3, 2023 chawhnu khan Manipur buaina avanga sahimna zawnga Koalsib District a awm mek kan unaute tanpuina an hlan.

MZP President Pu Lalnunmawia Pautu chuan thusawiin, Khawtlang tana thil tha lo leh ruihtheih thil ti lo turin a ngen a, khawtlang inrelbawlna zah taka khawsa turin a chah bawk. "Keiniin kan ei chhung chuan in nghei lovang," a ti a. Zalen leh ngaihngam taka awm turin a sawm bawk a ni.

Vawiina tanpuina hlante hi New Builum, Rengtekawn, Bilkhawthlir leh Vairengte Camp-a awmte niin, New Builum leh Rengtekawnah Camp pakhat ve ve awmin, Bilkhawthlir-ah camp pahnih leh Vairengte-ah camp pali a awm a ni.

Tanpuina hlanah hian pawisa fai bakah buhfai a ni a, raltlan enkawltute kutah hlan zel a ni.

Tanpuina hlanaah hian MZP General Headquarters President Pu Lalnunmawia Pautu hovin MZP General headquarters hruaitute, Zo Event Managament hruaitute bakah MZP Headquarters Kolasib, MZP Sub - Headquarters  Bilkhawthlir, MZP Sub - Headquarters Vairengte leh MZP Branch Rengtekawn hruaitute an tel a ni

Tanpuina hlante hi MZP, Zo Event Management leh Active Sound in Aizawl khawpuia charity concert buatsaih atanga lutte a ni.


Issued By: MZP General Headquarters, Aizawl