No. E-93/MZP-GHQ/2021-2023/114     Dated Aizawl, the 11th  May, 2023


PRESS RELEASE


Mizoram Board of School Education (MBSE)-in vawiin May ni 11, 2023 (Ningani) chhun dar 12:00 a High School Leaving Certificate (HSLC) 2023 result felfai tak, a tichhuak thei chu MZP chuan lawmawm a ti hle a. MBSE thawktute thawhrimna leh inpeknaah MZP chuan lawmthu a sawi a ni. 

MZP chuan ram leilungfa top ten-ah mi sawmpali (14) an lang hi lawmawm a ti takzet a, zirlai hlawhtlinna changa pawl sawm (10) pass zawng zawngte MZP chuan thinlung takin a lawmpui takzet a ni. Chutih rualin, la hlawhtling ve rih lote pawh beidawng mai lova, rilru thar nen a lehpekah chuan hlawhtlinna chang ngei tura bei sauh sauh turin MZP chuan a ngen nghal a ni.

MZP chuan, HSLC result chhuakah nikum aia zirlaite pass an thahnem hi lawmawm a ni ti hle a. Nikum khan zirlai HSLC Exam hmachhawn 70.64% pass-in, Kumin HSLC result chhuak-ah hian zirlai 71.14% in an pass a ni.

MZP chuan kum danga a lo tih thin angin, HSLC Top-10 a Mizo tlingte kan chhuan zia leh duhsakna lantir nan,  May 17, 2023 hian Vanapa Hall-ah anmahni chawimawina hun buatsaih a tum a ni.
               
      (H LALTHUTHLUNGA ZATE)
  Secretary i/c Publicity