Latest Post

MZP-in Manipur Zofate tan buhfai thawn

No. E-93/MZP-GHQ/2021-2023/115     Dated Aizawl, the 11th  May, 2023


PRESS RELEASE


MZP General Headquarters chuan, Manipur tualchhung buaina avanga kan unau Zofate tawrhna chu a a hre reng a. Ei leh bar an lakluhna kawng a pin tak avangin, MZP Headquarters Manipur kaltlangin Buhfai Bag 70 Churachandpur-ah a thawn. 

MZP General Headquarters chuan kan unaute harsatna chu hre rengin, buhfai bag 70 chu MZP Headquarters Manipur kaltlangin Churachandpur-ah a thawn a. Heng buhfaite hi MZP Headquarters Manipur chuan tlawmngai pawl hrang hrang Joint Philanthropy Organisation (JPO) te kutah a hlan a. An nin an member harsa zualte hnenah an sem ve leh a ni. 

JPO hnena buhfai hlan dan chu hetiang hi a ni– Kuki Khanglai Lawmpi (KKL) 10 bag, Hmar Youth Association (HYA) 10 bag, Young Paite Association (YPA) 10 bag, Simte Youth Organisation (SYO) 5 bag, Zou Youth Organisation (ZYO) 5 bag, Young Vaiphei Association (YVA) 10 bag, Young Mizo Association (YMA) 10 bag. 

Heng bakah hian mi harsa leh a mamawh zualte hnenah MZP Headquarters Manipur chuan Kg. 10 den denin a sem kual bawk. 

MZP General Headquarters chuan vehbur khawnin, damdawi leh thil hrang hrang a lakhawm mek zel a. Hun remchang hmasa berah hengte hi thawn leh tura ruahman a ni bawk. 

MZP-in buhfai a thawnna kawngah hian, a tul apiang buaipui a, hmalakpuitu Pu K. Lalrinliana Supply Minister leh Pu TJ Lalnuntluanga Law Minister te chungah lawmthu a sawi tak meuh meuh a ni. 



(CHINKHANMANGA THOMTE)
Asst. General Secretary