No. E-93/MZP-GHQ/2021-2023/118    Dated Aizawl, the 19th  May, 2023

MZP PRESS RELEASE


Mizoram Board of School Education (MBSE)-in vawiin May ni 19, 2023 (Zirtawpni) chhun dar 12:00 a, Higher Secondary School Leaving Certificate (HSSLC) 2023 result  felfai tak a tichhuak thei hi MZP chuan lawmawm a ti hle a. MBSE thawktute thawhrimnaah MZP chuan lawmthu a sawi.

MZP chuan, kum 2022-2023 chhunga MBSE hnuaia pawl 12 exam beitu zirlai 14,091 atanga 11,084 (78.66%) laiin hlawhtlinna an chang chu lawmawm a ti hle a. Chutih rualin, la hlawhtling ve rih lo te pawh beidawng mai lova rilru thar pua a lehpekah chuan hlawhtlinna chang ngei tura bei turin MZP chuan a ngen.

Zirlaite chu hmalam pan zel tur kan nih angin nasa zawka tan la leh zual turin MZP chuan a sawm a, ram leh hnam hmangaihna nghet tak nei chunga hmalam pan zel turin zirlai hlawhtlinna chang thar zawng zawng te duhsakna a hlan a ni.



(JACOB LALMUANPUIA)
      General Secretary