No. E-93/MZP-GHQ/2021-2023/117 Dated Aizawl, the 18th  May, 2023

PRESS RELEASE


Mizo Zirlai Pawl (MZP) General Headquarters, Aizawl leh Indigenous Tribal Leaders Forum (ITLF), Manipur chuan vawiin chhun dar 12 khan MZP Pisa Pui, Aizawl-ah inkawmna neiin, Manipur buaina intan dan leh he buaina avanga Zofate tawrhna chungchang sawiho a ni.

ITLF chuan, buaina an tawh lai a, an ngaihsakna leh an buaipuina avangin Mizoram Sawrkar, Mizoram Mipui leh MZP te chungah lawmthu a sawi a. He buaina hian Zofate inkarah inunauna tha zawk thlen se an duh thu an sawi. 

ITLF chuan, Manipur Zofate’n ei leh barah harsatna an tawh mek thu te sawiin, ei leh bar lakluhna kawng that siam an duh a, Ei leh bar lakluhna atana pawimawh Tuivai lei chu fur ruahtui tlak hmaa siamthat a, thawmthat an duh thu an sawi. 

MZP chuan, Manipur buaina avanga Zofate tawrhna a hriatthiampuiin pawi a ti tak zet a, an tan theih tawp a lo chhuah tawh thin angin, a tul angin tanpui zel a tum a ni.


Issued by: MZP General Headquarters, Aizawl