No. E-93/MZP-GHQ/2021-2023/111    Dated, Aizawl, the 7th May, 2023


MZP-IN ZIRLAITE HRUAI HAW

Vawiin Ni 7th May, 2023 (Pathianni) hian, Manipur-a Zofate leh Meitei inkara buaina avanga Bethesda School of Nursing, Churachandpur a Mizo zirlai tangkhangte MZP chuan Mizoram-ah a hruai haw a. MZP hi an President Pu Lalnunmawia Pautu-in a ho a ni. 

Bethesda School of Nursing, Churachandpur-ah hian Mizo zirlai engemaw zat an awm a. State dangin an zirlaite an lakchhuah zel avangin MZP chuan Mizo zirlaite lakchhuah hna a thawk ta a ni. Zirlai hruai hawte hi mi 34 an ni a; Aizawl, Lunglei, Lawngtlai, Mamit leh Kolasib District khaw hrang hrang a mite an ni a. Assam leh Meghalaya a cheng Mizote pawh an tel. 

Zirlaite hruai hawna kawnga theihtawp chhuahpuitu, Siamsinpawlpi (SSPP) General Headquarters leh ZRA te chungah MZP chuan lawmthu a sawi a ni.


Issued by; MZP General Headquarters, Aizawl