No. E-93/MZP-GHQ/2021-2023/107      Dated, Aizawl, the 2nd May 2023


MZP PRESS RELEASE


Vawiin May ni 2, 2023 chhun dar 12:30-a MZP General Headquarters, Aizawl Extended OB meeting chuan Mizoram chhunga RUSA hnuaia College hrang hranga hmasawnna hna thawh mekte dinhmun a thlir a, RUSA hnuaia College hrang hranga hmasawnna hna thawh mekte hi June 2023 chhung ngeia zo hman vek turin hnathawktute a ngen.

MZP chuan, hemi chungchangah hian Sawrkar thuneitute leh building sak hna thawktute a lo sawipui tawh a. An harsatna hrang hrang leh College hrang hrang zirlaite atanga thu dawnte ngaihtuah a nih hnuin, RUSA Fund hmanga College building sak mek, sak zawh hun tur pel tawhte hi June 2023 ral hma ngeia sak zawh vek nise, a ti a ni.

RTI hmanga zawhna sawrkarin a chhan danin, RUSA Fund hmanga hna thawh mekte hi March 2023 a zawh hman tura ruahman a ni a. Heng hnate hi Skyridge Construction & Consultancy Services, Aizawl leh SR Tochhawng Traders, Aizawl te’n an thawk a ni.

He thil hi MZP Assembly 2022, Darzo-a neihin a lo rel tawh, “RUSA kaltlanga college hrang hrang sak that/ thawmthat hi a hun taka zawh a nih theih nan hmalak ni rawh se.” tih bawhzuina kal mek a ni.



         (H LALTHUTHLUNGA ZATE)
  Secretary i/c Publicity