Aizawl, 7 Oct 2023: Vawiin ni 7th October, 2023 (Inrinni) chawhnu dar 2 hian Mizo Village Volunteer, 3rd Batch passing-out- parade YMA Complex, Hmuia Veng Lamka-ah neih a ni a. He hun hi MZP General Headquarters Aizawl Elected OB ten an telpui a, MZP President Pu H. Lalthianghlima chu khuallian a ni.

Vawiin ni 7th October, 2023 (Inrinni) chawhnu dar 2 hian Mizo Village Volunteer, 3rd Batch passing-out- parade YMA Complex, Hmuia Veng Lamka-ah neih a ni a. He hun hi MZP General Headquarters Aizawl Elected OB ten an telpui a, MZP President Pu H. Lalthianghlima chu khuallian a ni
Pu H. Lalthianghlima chuan, Manipur tualchhung buaina avanga ram leh hnam chhan tûra inpe, nunchan zir zote hlanna (Passing-out-parade) hunah hian thu sawiin, "Pathianin ram min pe a, hnam min dinsak bawk a. He kan ram leh hnam humhalh leh vênhim hi kan mawhphurhna a ni. Chuvângin kan hnam humhalh turin theihtawp i chhuah zel ang u. Chu chu in kutah a in nghat a ni" tiin volunteer te a fuih.

MZP President chuan, Underground in ni lovin, kan ram venghim tura thutiam la in nih avangin kan ram venghim turin theihtawp lo chhuah ang che u tiin a fuih bakah. Kan unaute thlavang hauh turin MZP chuan hlauh a nei ngai lovang a ti bawk.

MVV chuan, Meitei te'n Zofate nuai chimit tura an beih mekna lak atanga min chhan chhuak tur leh Meitei ral lak atanga mipuite humhim hi an din chhan a nih thu an sawi.

MVV Passing-out-parade hun hi Pu Suaklianzela Fanai MVV External Secretary in a kaihruai a, khuallian bakah Manipur Group YMA President chuan khual zahawm niin thu a sawi bawk.

MZP hruaitute hi Lamka Private School & College Association, Indigenous Tribal Leaders Forum (ITLF), Joint Students' Body (JSB) leh pawl hrang hrangte nen an inkawm a. MZP General Headquarters hruaitute hi MZP Headquarters Manipur hruaitu ten an ?awiawm a ni.