Latest Post

MZP hruaitu thar ten charge an in hlan

Aizawl, 3 October, 2023: Vawiin ni 3 September, 2023 (Thawhlehni) chawhnu dar 1 hian MZP General Headquarters Pisapui-ah hruaitu hlui leh thar te mawhphurna an inhlan a. He hun hi Pu Michael Lalramsanga, MZP Election Commission Secretary in a kaihruai. 

3 September, 2023 (Thawhlehni) chawhnu dar 1 hian MZP General Headquarters Pisapui-ah hruaitu hlui leh thar te mawhphurna an inhlan a. He hun hi Pu Michael Lalramsanga, MZP Election Commission Secretary in a kaihruai
Mawhphurna inhlanna hunah hian, President kal chhuak Pu Lalnunmawia Pautu-in thu sawiin, Zirlaite leh ram leh hnam tan hruaitu tharte ke pen zel tura a duh thu a sawi a. Pawl hmalakna kal mek tha lai te chhunzawm a, Zofate thlavang na taka hauh zel turin hruaitu tharte a fuih. MZP President kalchhuak tur chuan, MZP hruaitu tharte duhsakna a hlan a. MZP Election Commission leh Organising Committee-te thawhrimna a fak bawk. 

President thar Pu H. Lalthianghlima pawhin thu sawiin, Ram leh Hnam leh Zirlaite tana tha turah chuan huai takin kan kal dawn a. Chumi kawngah thurawn eng pawh an dawnsawn theih tur thu a sawi. 

MZP President chuan, “Kan Mizo hmeichhia ten hnam dang pasal an nei hi tha kan tih loh thu nasa takin kan tlangaupui thin a. Chutiang a hnamdang kawppui neite’n tunhnaiah ram rorelna sang Assembly House-ah thut tumin hma an la hi pawi kan ti a, kan ram leh hnam him nan theihtawp-in kan dodal dawn a. Hnamdang kawppui neite pawhin, Mizo hnam hmangaih avangin ram rorelna sang ber-ah hmun chan tum kher lo turin kan ngen a ni” a ti.

MZP President thar chuan, “Mi thenkhat hnam aiawh an ni tih pawh kan hriat loh ten, hnam aiawh ang maiin hmun hrang hrangah thu an sawi thin hi pawh kan ti a. Ram leh Hnam thil kan sawi dawn a nih pawhin, fimkhur tlang turin mitin kan duh a ni” a ti a. “Mizo thalaite All India Service leh Central Service-a tling kan tlem em em chhan chu kumtin State Service lak a nih thin vang a ni pakhat a. Kumtina State Service (MCS) lak thin hi, khat deuh zawk emaw tum khatah tlemte tea la turin Mizoram sawrkar kan ngen a ni” a ti bawk.  

MZP General Headquarters kum 2023-2025 chhung hruaitu atana thlan, mawhphurhna la thar te chu:-

President

H. Lalthianghlima

Vice President

C. Lalremruata

General Secretary

Chinkhanmanga Thomte

Asst. Gen. Secretary

C. Lalhmingsanga

Treasurer

Zairemthanga

Fin. Secretary

Rothanliana