Aizawl, the 14th December, 2023: MZP General  Headquarters-in Manipur Frontline pual Lucky Ticket a siam chu, ni 15th December, 2023 a LPS-1 zan dar 8-a vawr tura ruahman a ni a. Remchan zawkna avangin ni 20th January, 2024 (Inrinni) hian LPS-1 (zan dar 8)-ah Live Telecast hmang a thumvawr tura sawn a ni.
 
MZP chuan tlawmngaia Lucky Ticket lei zawng zawngte chungah lawmthu a sawi a. Lucky dawr hun lo nghak hram hram turin mipuite a ngen takmeuh a. Lucky draw hma chu lo lei chhunzawm zel turin mipuite a ngen bawk a ni. 


MZP chuan kan unau Manipur, Myanmar leh Bangladesh buaina avanga harsatna tawk leh raltlante theih ang angin a lo buaipui tawh thin a. Raltlante tanpui nan Mobile Charity Concert-te buatsaihin, vehbur pawh vawi tam a lo khawn tawh a. Tun tumah hian Manipur frontline pualin Lucky Ticket siam a ni ta a ni.