Latest Post

PRESS RELEASE

 No. E-93/MZP-GHQ/2023-2025/24 Dated: Aizawl, the 13th December, 2023
PRESS  STATEMENT


1. National Institute of Technology Mizoram (NIT Mizoram) hi India rama NIT 31 zinga mi niin, Ministry of Human Resources Development-in kum 2010 a a din a ni. NIT Mizoram hmunhma thar tur Lengpui ami lungphum chu ni 13 October, 2012 khan khatih hun laia Minister of Human Resource Development Pu Kapil Sibal chuan a phum a, tun thlengin heihi sak puitlin a la ni lo. Hetianga Technical zirna in tha Mizoram-in kan neih chhun, lungphum phum hnu kum 11-ah pawh sak puitlin a ni lo hian ngaihsak a hlawh tawk loh zia a tarlang chiang hle a ni.
 
Permanent Campus luah a nih theih nan bawhzuina a beitham hlein a lang. Chaltlanga mi in hrang hrang luah hawha khawsa naw naw an nih avangin, a chei that nan sum tam tak an seng thin a. Tul loah sum leh pai tam tak an sengral thin a ni.
2. NIT Mizoram-ah hian programme hrang hrang; Chemistry, Civil Engineering, Computer Science and Engineering, Electronics and Communication Engineering, Electrical Engineering, Mechanical Engineering, Physics, Mathematics leh Humanities and Social Science te an zirtir mek a ni.

3. Mizoram-in Technical Institute lian kan nei hi MZP chuan lawmawm a ti a, mizoram tana chhenfakawm tura beiseina sang tak kan neih mek laiin kan beisei leh duh angin a awmlo hle tih tunhnaiah hmuhchhuah a ni. Institution in awp danah te, sum leh pai hman danah te leh thawktu lak danahte hian thil fello tam tak inphum ru a awmin MZP chuan kan hria a. Pawi kan ti tak zet zet a ni.

4. He Institution a hna lak thenkhat chu a dik tawklo hlein kan hria a, induhsakna uchuak leh tih tlin tum neisa rana lak a awm tih hriat a ni. Advertisment chhuah rual vek ni si, post thenkhat chauh lak bik te, Board of Governor-in appointment approve an pek hma a appointment order rang taka tih chhuah te, hna exam thenkhat observer tello a exam te a awm a. Chutih mek laia advertisement chhuah tawh tam tak tun thenga lak si lohte hi MZP chuan mak a ti a. A mawhphurtu chhuizui zel a tum a ni.

5. Hnalak felfai loh avanga candidate thenkhat ten High Court hial an thleng a, hei hian insitution a hnalak fello loh zia a tarlang chiang hle.

6. Tin, he instituion-ah hian sum hmandan felfai tawklo tam tak a awmin kan hre bawk a. CBI pawhin an chhui ngai hial khawpin he Institution sum hman dan hi a fello hle a, mimal induhsakna uchuak tak hmanga sum siam tum an awm em tih hi MZP zawhna a ni a. Enzui zel tum a ni.

7. He Institution-ah hian thawktu thekhat ten, an hnuaia thawkte an duh ang anga an tih theih loh avangin an vau thin nia sawi a awm bawk a. Ban hiala invauna te hi a thalo kan ti hle a, hei hian an administration hlawhchham zia a tarlang chiang hleah kan ngai a ni.

8. Non Teaching-te kaisan theih nan, Ministry-ah post sanction tura hmalakna lian tham a awm ngailo niin hriat a ni a. Hetih lai hian Zirtirtu erawh an eligible lo chunga grade pay zuan khuma promotion pek a awm nia hriat a ni leh si a ni.

9. Zirlaite tana Bus hire sak, bill pek theihloh avanga hun rei tak tak zirlaite kalvelna (Bus) tlan theilo te kha zirnain a tuar hle bawk a. Institution inawpna leh sum leh pai enkawl kawngah an felfai lo hle tih a hriat a ni.

10. MZP in hetiang thil fello a awm tih a hriat avangin, uluk takin a zirchiang a. Institution chungchanga hriat duh a neihte RTI hmangin a zawt a. RTI Act hmanga zawhna MZP-in a zawhte an chhan danah hian kan lawmlo hle a. Zawhna pawh an chhang mumal thei lo hian an institution inawpna felfai loh zia a tarlangah kan ngai a. Thawktute inkarah pawl leh pawl anga inepna lian tak a awm niin kan hre tlat bawk.

11. NIT a thawktute chhiatni leh thatni bakah, an dikna chanvote humhalh turin tun thlenga Staff Welfare din a ni lo chu thalo kan ti a. Chunglam atanga harsatna siam lo a, staff welfare din vat turin kan duhpui bawk a ni.

Issued by: MZP General Headquarters, Aizawl