Mizo Zirlai Pawl (MZP) General Headquarters, Aizawl chuan vawiin ni 12th December, 2023 khan an President Pu H Lalthianghlima hovin Zokhawthar leh a chhehvela Myanmar Refugee camp hrang hrangte an tlawhkual a, an harsatna tawhte a hmunah an enfiah nghal bawk.

MZP President Pu H Lalthianghlima chuan, Refugee te chu thlamuang taka awm turin a chah a, "Zofate hi hmun hrang hrang a awm kan ni a, kan unaute an nat chuan keini pawh kan na," a ti a. "In harsatna chu kan harsatna a ni a, theihtawpin hma kan la zel ang," tiin a thlamuan bawk.

Zokhawthar chhehvela Refugee camp hrang hrangah hian chhungkaw 700 chuang awmin, mi 3000 chuang an awm niin campaign hotute chuan an sawi.

Mizoram Sawrkar thar chu kan unau Myanmar raltlante chhawmdawlna kawngah theihtawpin hma la se, Raltlante awmna pawh a ranglama tlawh a an harsatnate sutkianpui turin MZP chuan a duh takzet a ni.