Latest Post

PRESS RELEASE | North East India State danga Zirlai pawlte rualin 'Black Day' a hmang a ni

 No. E-93/MZP-GHQ/2023-2025/22        Dated: Aizawl, the 11th December, 2023
PRESS  RELEASE

Vawiin ni 11th December, 2023 (Thawhtanni) chawhnu dar 1:30 khan Mizo Zirlai Pawl (MZP) General Headquarters, Aizawl chuan North East India State danga Zirlai pawlte rualin 'Black Day' a hmang.
 
North East Students' Organisation (NESO) chuan India rama Citizenship Amendment Bill pass tura hmalakna nasa takin a dodal a, Mizoramah ngei pawh theihtawp a dodal a ni. Chuti chung chuan ni 11 December, 2019 khan Rajya Sabha -ah pass a ni ta a. He ni hi North East Students' Organisation (NESO) chuan North East India mipuite palzutnaah a ngai tlat a, lungawi lohna ni atan kum tin he ni hi 'Black Day' in a hmang ta a ni.
 
He ni hi India hmarchhak state hrang hrangah pawh hman niin, puan dum zar a nih bakah, banner a thuziak tar a ni hlawm. North East Students' Organisation-ah hian zirlai pawl pariat (8) a awm a, chungte chu– Khasi Students’ Union (KSU), All Assam Students’ Union (AASU), Naga Students’ Federation (NSF), Mizo Zirlai Pawl (MZP), Twipra Students’ Federation (TSF), All Manipur Students’ Union (AMSU), Garo Students’ Union (GSU) All Arunachal Pradesh Students’ Union (AAPSU) te an ni. 



                                                                                               (C. LALROSANGA)
                                                                                                Secy. i/c Publicity