Aizawl, the 9th December, 2023: Mizo Zirlai Pawl (MZP) General Headquarters, Aizawl buatsaih Aizawl Smart City Ltd MZP Inter High School Quiz 2023 chu nizan khan Ignite Studio-ah zawh fel a ni a, he hun hi MLA Pu Lalmuanpuia Punte chuan khuallian niin a hmanpui.

He hunah hian MZP President Pu H  Lalthianghlima chuan thu sawiin, Mizo zirlai te chuan hnamdang el pha tura ?an kan lak a ngaih thu leh MZP chuan hnamdang pasal neilo tura in zirtirna nasa taka kalpui in kan hmeichhia te hnamdang pasal neilo tura a duh thu a sawi.

MZP President chuan, ?halaite ah ruihhlo a hluar hle mai a, vawikhat tih chhinin a nghawng pawi zia hre tur leh ti chhin lo turin zirlaite a sawm bawk.

Khuallian MLA Pu Lalmuanpuia Punte chuan, "Hruaitu ?ha tak tak zarah Kum 10 chuang hlawhtling taka Inter High School Quiz buatsaih a nih hi a lawmawm," a ti a. "IAS kan tling kher lo a nih pawhin, Central service tam takah inziah luh kan inzirtir a ngai," a ti.

Khuallian chuan, "MZP hruaitu te'n demna tam tak an tawk ?hin a, academic session a zirlaite tan pawl hruai ngaihna awm loh thu a sawi. MLA Pu Lalmuanpuia Punte, MZP President hlui ni bawk chuan, "MZP hian kan din thar leh a?ang khan Mizo hnam inpumkhatna kan buaipui char char a ni," a ti a. "Duhlian ?awng hmang lo pawh hi Mizo vek kan ni, Duhlian tawng chauh hi Mizo tawng a  ni lo," tiin, "Tumah hi in enhrang thei kan ni lo," a ti bawk. "Mizo history ah kan Pi leh Pu te inngeih lo viau anga sawi chu a pawi a, hmun hrang hranga awm te kan inhriat pawh danah kan ingeih viau tih a hriat," a ti bawk. Khuallian chuan, "Mizo hnam hi a dingchhuak dawn. Hnam dang awpna hnuaiah hian kan awm rei lovang," a ti.

MZP in kum 10 chuang Inter High School Quiz a lo buatsaih tawhah lawmman dawng pha chin te'n HSLC result ?ha tak tak an nei thin chu lawmawm a tih thu a sawi tel bawk.

Finalah hian sikul pathum St Joseph HSS, St Pauls HSS leh CLS Academy ten inelna an hmachhawn a, Aizawl Smart City Ltd MZP Inter High School Quiz 2023 Zirlai telte hi St Pauls HSS atangin Malsawmkima S/o Lalbeiseia leh Vanlalmuanpuii D/o Lal?hazuala, St Joseph HSS atangin Vanlalenkawli D/o C Laltlansanga leh H Lalsangpuia S/o H Lalhumhima, CLS Academy atangin Lalawmawii Ralte D/o John Zosangliana Ralte leh Lalrinruali Ralte D/o Lalrawngbawla te an ni.

He inelnaah hian St Paul's Higher Secondary School chuan lawmman Pakhatna lain pawisa fai cheng 30,000 bakah thuziak leh trophy an dawng a, St Joseph Higher Secondary School chu pahnihna niin pawisa fai cheng 20,000 bakah trophy leh thuziak an dawng a, CLS Academy te chuan lawmman pathumna la in pawisa fai cheng 10,000 bakah Trophy leh thuziak an dawng bawk a ni.

MZP Inter High School Quiz hi kum 2010 atanga tan tawh niin, kumin hian sikul 13; CLS Academy, Kids Care School, Govt. Mizo High School, Helen Lowry HSS, Tiny Tots HSS, Living Water School, St Joseph HSS Providence HSS, St Paul's HSS, Govt Chaltlang High School, Neuhof English Medium School, Royal Standard School, Aizawl leh Hmar Veng Secondary School, Kolasib te an tel a ni.

(C LALROSANGA)
Secretary i/c Publicity